政府可以查核每宗買賣（交易）業主嘅身份證，在買賣當時有冇持有公屋，
又或者每當批核公屋時去查稅局及土地註冊處查租戶嘅身份証，睇吓有冇物業，根本係好易查得出喎。
唔好俾我估中有為數唔少嘅公屋租戶有一個或以上物業。
實有啦
阿球哥都可以有個六千萬物業照買居屋啦
擺明有人偷懶無做野
1個讚
申請公屋好似不嬲只睇抽到前一段時間既資產？所以好似好多人知就抽到個陣就辭工或者現金糧。
3個讚
其實好多住公屋有樓收租，房署唔查咋
見過有阿婆住公屋但拎住500萬美金去銀行做定期
2個讚
呢個係好大漏洞，基本上上左樓你有幾多收入同資產都唔會再查，其實係應該每3年check一次銀行同土地註冊，保證即時有一半人要交返間公屋出來
1個讚
我記得公屋戶主嘅資產係有限制。
補充：
有明文規定公屋人士/家庭係有規定總收入及資產 限制，不過有人唔做嘢都冇辨法。
呢d係自己申報，唔報房署係唔會知，因為從來都唔會主動查，咁邊有人咁蠢自己去報
2個讚
同意！
有幾多人衝紅燈、違例泊車、強姦、偷空公款、販毒⋯⋯係會自己自首？
1個讚
其實買第二間樓，律師樓會幫業主向稅局申報，稅局知道有，要收重價印花稅。
1個讚
以前唔使
1個讚
房屋署，已經有制度，大概每兩年就發信比戶主，申報在租約內所有家庭長員入息及資產。
其實嗰單嘢，我估係因為「申報問題」，嗱嗱聲賣間居屋，交還公屋，避開申報資產。
佢哋識得玩遊戲制度，知道漏洞。
2個讚
重價印花稅，已經超過六年。
律師因為出多一封信比稅局，收多咗律師費。
1個讚
精義都係主動申報，報幾多完全自己決定，報完有冇人核實又係另一個問題，而家就confirmed從來冇人查
2個讚
我記得之前有－單係公屋「虛報資料」，房署查到佢新界有一幅地皮，
政府都係告佢虛假陳述文書罪，罰咗$5000⋯⋯咁大把。
2個讚
咁佢使唔使交返間公屋出來？
1個讚
你話呢
1個讚
但呢個係死胡同，我都同意有物業要放返間公屋出嚟。但宜家個公屋資產上限好似係低得好離譜？如果個啲唔上唔落既人無得住公屋(有幾百萬個啲當然唔支持佢哋可以住公屋)，咁佢哋只可以租樓，到時啲租金一定升。樓價都會升。
1個讚
上左樓嘅資產比申請公屋嘅資產限制寬鬆好多架，基本上過左嘅話出去私人市場買樓租樓係完全冇問題，所以先話漏洞大
1個讚
該主題在最後一個回覆創建後180天后自動關閉。不再允許新的回覆。