以前想揾錢先，同享受下人生玩夠先
用咗5/6年時間搵到錢，又年年去兩次歐遊咩都玩夠，
之後疫情邊度都無得去又揾夠錢，就試下生，點知好快搞掂，結婚第6年生。
生完頭兩個月辛苦d，但你識湊(事前做夠d資料搜集 )，其實兩三個月有固定時間表，你可以有返好多私人時間。
我無後悔唔早d生，反而好慶幸自己有返咁上下人生閱歷智慧同財力先有小朋友，真係輕鬆好多同好多野好易上手。
衰d講喺最辛苦困身嘅時候，望住人地好free 去遊行d相，都無咩感覺，因為當年我已經玩夠。
2個讚
我27歲結婚，33歲生阿仔，因為放工時間穩定，在無請工人無長老幫忙下，放工後一路都係自己照顧小朋友，頭12年係等佢夜晚9：00瞓著就係me time, 雖然好困身好辛苦吓，但係換來的是小朋友同父母感情好好，乖，獨立，如果可以再選擇我會唔玩咁耐，結婚一兩年就生
我結婚同有左差不多同步
Honeymoon返黎就有左，完全無計劃地有左
無晒私人時間大約1年左右，但都開心既
小朋友1歲開始自己訓房，8點半上床訓，我就有自己約3個鐘時間
其他只要小朋友清醒既時間都係同小朋友一齊
窮有窮養無得同人比
負擔得起就生吧，有時無得plan禁多。
要plan既只係 一世唔生，定係點都生1個半個
我自問已經比晒最好既小朋友 （2個）
有仔襯嫰生係真既
我27歲生大仔，30歲生細仔，43歲左右，我已經有返自己時間同人生，而家仲覺得好似。。我更需要佢地咁。。。anyway, 我要重新學習返自擁有自己既世界
現在既我想玩就玩想飛就飛，自由自在
我仲未算老，同2個仔既關係係朋友，大家溝通到
4個讚
我宜家處於一個唔肯定自己想點既位，我又唔肯定自己會唔會一世都唔想生，但有時又覺得自己未ready做呀媽。我超級貪玩，同老公成日玩埋啲低能野。我哋正宗玩手指都可以玩十分鐘。宜家諗住聽天由命，仲有幾年高齡。
你好犀利呀！
咁小朋友邊個接放學同埋點食晚飯？
我都係無工人湊一個，揾咗長老幫手睇日間，但長老身體轉差，我老公將會辭職協助（仔仔現在高小）
我32歲生，仔仔細時自己湊都ok，但現在我自己都開始累了…唔敢想像如果35+才生會係點！我諗真係要請工人了！
我覺得遲生最主要係體力精神唔夠
生完開刀定順產都要時間回氣，年紀大左回復慢
我都認為生左如果俾哂人湊就冇乜意思，人人睇法唔同，經濟環境都係考慮因素
同埋真係控制慾問題，事事要自己親力親為嘅人就會少好多自己嘅時間，不過佢哋都會心甘情願付出
時間安排好冇話一定冇空間去放風，不過好多時係，同個bb分開自己都會好掛住，所以又會想快啲返屋企咁解
真係人人都唔同，選擇左唔後悔就好
生佢預咗未來十幾年都冇私人時間
啱啱頭更年好辛苦
之後上咗小學，我就冇做野
呢傢佢返學我就有好多私人時間
可以上網學野，多好多時間睇書，鑽研下廚藝
又會諗下之後人生條路點行
屋企搬屋裝修都有時間自己可以跟，唔識就問人
喺呢個位我反而多謝個仔，唔係生佢我唔會有機會做全職媽媽
只會一直做做（本身份工好CHUR），可能做到身體有問題先迫住停（同全職媽媽一樣都係冇得做）
我同你一樣本身份工勁chur，成日ot，放假都覆email
好多謝小朋友幫我換返個家庭模式
有利有弊，有得有失，自己平衡
有時小朋友晚上訓左
可以同老公飲下酒，又或者一齊喺梳化睇NETFLIX，
如果我要返工，就會情願早啲訓
真係有得有失