我一結婚就不設房，諗住有埋生，點知一野就中左。陀b時26歲，生b時27歲，私人時間係少左，但同bb一齊係好開心嘅野，我小朋友7歲喇，我都係好鍾意同佢相處，一直都係自己湊佢，我都要返工，做家務等等，但都係覺得開心嘅。
咁未讀書前都係24小時對住架喇，但小朋友都訓得多，又唔會真係冇哂自己時間，都一樣可以煲下劇，喺屋企睇下電影，到之後佢返幼稚園，metime又會多d架喇。
其實點都要經歷（如果你係諗住生），我會揀早生好過遲生，體力問題，講真，而家同佢跑跑跳跳係有少少吃力架。
1個讚
唔好諗咁多, 未肯定想生就做足準備,食住避孕藥+戴套先
但又要balance 返經濟問題。如果錢唔係問題，真係早d生好。除左體力外，質素好d, 又無咁大generation gap.
真係happy, 生多個都仲得
又靚媽，小朋友可以有伴，又唔駛擔心錢
我27歲生日前結婚，33歲嗰年生大仔，36歲嗰年生細仔，即係結婚6年後大仔出世
我地原本計劃係一係唔生，一生就生兩個，所以就算大仔超級無敵麻煩，加上我身體狀況係高危產婦，都堅持生埋老二 (大嘅越係難相處，越係要屋企多個人陪佢成長)
我先生堅持每星期要拍拖一晚，就算兩個人嘈交，黑口黑面都會一齊出去食餐飯
至於私人時間，唔係無，我兩個細路都早瞓，8:30pm 就熄燈瞓，就算上到初中，9:30pm 都要熄燈瞓，佢地瞓咗就有私人時間
另外我要返工，放咗工好多時會行一陣街，買少少野先返屋企，工人負責買餸煮飯
2個讚
非正式觀察，較後生的健康孕婦bb會陀得隱陣d（我自己剛剛流產完）
食避孕藥還食避孕藥, 最緊要係食事前個種, 唔傷身又安全
生完係真係冇私人時間，但如果係交俾人湊唔理，我自己就諗唔明咁點解要生，我係覺得決定要生就要負返起責任，如果唔想落心機湊就唔好生啦，冇咩意思
3個讚
我好多朋友喺仔女瞓後9pm就做自己嘢，有時係工作有時煲劇，佢哋都話唔捨得瞓，但呢啲每晚私人時間都好爽
你真係好幸福！
咁當然啦， 事後丸最傷身
生小朋友係有好多嘢影響，首先係咪兩公婆都鍾意小朋友，因為好多位真係要好無私。對於私人時間呢樣嘢睇你嘅定義係咩，即係夜晚約fd去飲嘢呀，食飯食多幾個鐘，自自由由去旅行就好難嘅，最少太細個時你都唔會放心掉比人睇太耐。d咩煲劇瞓下覺都仲有時間嘅。當然最重要係家庭團隊，有人好幸福有工人又四大長老，都有人係無咩屋企人可以幫到手，咁自然成件事差勁遠。
我唔係啦，早生又無經濟負擔既媽媽幸福d
有冇、有幾多私人時間睇你兩個大人點安排啦：身邊有啲將責任外判晒出去、有啲媽媽單一方無晒私人時間、有啲另一半會俾對方me time、、有啲雙方都一齊瞓身。
最緊要兩公婆都有心理準備生活模式會改變，因為我真係見過一啲接受唔到現實，生完思想仍然想停留喺以前二人世界咁樣（無諗過有小朋友係辛苦）。
1個讚
30前仲可以諗諗先
諗下好多改變教導實際啲，係咪香港生？
我係拍拖10+年先結婚, 第二年就有小朋友, 我係working mom, 我用晒我公餘時間俾小朋友… 真係無咩私人時間… 因為拍拖十幾年, 係想有小朋友先結婚, 都有晒心理準備… 我覺得OK… 至於$, 問心400萬一定有, 不過, 我估依家唔止… … 不過, 都係睇餸食飯, 有咪食多啖, 無咪學少樣囉…
2個讚
結婚後六年計劃生
個個時間都唔同既
有d人又好想早點要
有點想二人世界下先
俾人分屍左攞埋去煲湯…