仲記得以前條友係有主持節目
點知最近成日響facebook sell 自己紫微斗數班
間唔中就話自己預言中左喎……
post 1:
好多人都話，冇諗過《恰十九歲的我》
會成為過年後一直延燒嘅話題
仲引出咁多社會賢達前輩嘅護航
以至好多年前嘅紀錄片受害者
同埋金像獎嘅退賽風波
當中太陰化科固然係原因
但大家都唔好忘記今年嘅流年四化
仲有巨門化權
巨門原本代表溝通表達同儲藏
巨門一旦化權，好多原本收收埋埋嘅人或說話
最後都忍唔住出嚟表態、不吐不快
甚至大家會為咗爭奪話語權
眾聲喧嘩、唇槍舌劍，可惜最後
唔一定係有道理嘅果個話事
我響流年班都講過
最後係香港人最熟悉果七個字
誰大誰惡誰正確!|16x16
邊個有權有勢有地位
就邊個一錘定音
而巨門本身帶有嘅是非口舌性質
亦導致今年嚟緊會有各種意識形態嘅爭拗
但願大家都唔好忘記
話到嘴邊留三分
今年大家都要謹言慎行呀!
(有關宣傳省略)
post 2:
尋日艾粒同迪偉嘅風波
終於告一段落，好多人都send相關新聞嚟
問我點睇
點解又畀你講中! 
其實正正就係我之前講嘅巨門化權
大量發聲、話語權同是非爭拗嘅情況
好多一直收收埋埋、積落嘅嘢忍唔住爆發
之前唔出聲唔代表冇問題
只係時機未到，當天時地利人和齊集七粒龍珠
就會引爆地雷死傷枕藉
2023年，係埋單計數嘅一年
嚟緊可能仲有好多類似嘅事情陸續發生
畢竟八運轉九運嘅交接年份
關乎變革、震盪、改朝換代
會令好多人響神枱畀人拉返落嚟
又有好多人成為下個新紀元嘅神枱或者大台
好多Icon同行業慢慢退氣fade out
**好多人事物會突然失去光環!**
結局不忍卒睹
各位朋友，Fasten your seatbelt
祝各位響嚟緊嘅亂流下平安
(有關宣傳省略)
好似仲有做緊電台節目
最近又評論尖沙咀大火
post 3:
今朝仲有唔少人談論緊尋晚淩晨嘅罕見意外
仲誇張過災難片，幸好冇太嚴重嘅傷亡
都算係不幸中之大幸
其實承接去年武曲化忌嘅影響
今年上半年仍然會有唔少大大小小嘅意外!
金屬撞擊、損毀之類嘅事情發生!
加上今年木火本身已經好旺!
農曆二月又屬木
所以火災相關機率就更高!
大家今個閏二月都要小心
家中失火!電器過熱、燒焦之類嘅情況
就算唔係秋天風高物燥
行山都要小心山火!
至於火燒旺地!呢個說法
能唔能夠應用響今次呢樁意外上面
燒完香港會否極泰來？
還是好似早幾年有躉船響香港海面燒完!
香港就開始走下坡!
谷底之後又再谷底？!
響課堂有機會再同大家慢慢分享!
感謝大家支持!
(有關宣傳省略)
佢果陣仲同個化妝女仔拍拖, 係網上寫吓日誌時, 我已經開始睇佢. 估唔到而家佢搞埋呢瓣
啱啱睇左, 多數自拍照
計我話，有大事發生，一定關男人事或女人事
總之小心男人又小心女人，咁就sure win
仲有主持903節目。
講到自己咁叻，不如用佢自己嘅力量算下蔡天鳳未搵到嘅身體係邊啦！
球狗一家下場會點！
神棍
咪話！走出個 豹太。
佢做電台時已經頂佢唔順
佢一開咪我就轉台
而家仲好似入左魔咁…學/教紫微斗數…
我…唔係好識欣賞
如果真係算得中, 咁點解唔一早POST 晒出黎等結果?
SIDE 氣~
假到無輪, 假到係人都知佢想HARD SELL 自己個 “慈善機構” 果位MK 太太?
唔好提啦, 真係得啖笑~
咁都當係王貽興算得中既, 就仲好笑
全部事後孔明，係發生前全部批中就話啫
我都有睇呀，不過成名分手後就無睇佢
呢個世界唔係男人就女人啦
佢呢個look 咁似王宗堯既
呢個世界唔係男有紛爭就女有拗撬，實中個喎，我都預言大家最後實係會死
都有好多人上佢堂，不過佢係黃，算
