剛剛睇完頭幾集，個女仔好勇敢!
睇完。 頭幾集香港女仔16歲左右咁樣係cwb遇到d騙徒教友就咁改變一生， 佢行得出黎好大勇氣， 希望佢地能打贏
至於另外個三個教派都好癲。 整套紀錄片令我覺得最容易受害係年輕人， 太單純 入世未深， 容易被人迷惑。 最後個教派仲要爸媽帶去， 由細睇到大都做出咁既事， 都好賤格
4個讚
不過唔明點解會去左韓國，同埋韓文咁流利？
人証物証都齊，無理由會輸掛？
睇到佢自殘啲相，想像到佢有幾痛苦同呢個心理關口好大先可以行出嚟，仲要見樣去拍。
2個讚
佢真係要好勇敢先得 互聯網嘅資料係成世 仲要個男友係公眾人士 個女仔要頂住好多閒言閒語
希望佢決定公開之時已經預備好 加油
係咪萬刀甲女朋友？
1個讚
係
睇咗頭幾集。
個女仔好勇敢，要企出嚟仲要出埋樣，真係唔容易。
依家睇緊集體死亡嗰集，好痴線
我諗應該係因為佢後期升職做左牧師，要傳教，講道，個個教主俾好多「機會」，又做左個教會嘅歌手同主播
同埋佢有話自己入左教差唔多有5年多被教主召見，呢個機會對佢同身邊嘅教友黎講係恩典，其實只係條友出獄搵新女
1個讚
如果係真嘅，你哩句說話會有幾hurt?
行出黎講已經唔容易。
8個讚
你只係睇咗少少就知個女仔想咁樣？
好痴線,我睇到嬰兒花園嗰集,有啲頂唔順,太恐怖
紀錄片嚟講拍得好好睇,仲好睇過啲劇
嬰兒花園嗰集睇到嬲到拍枱，點解會有媽媽咁樣傷害自己嘅仔女
我覺得頭幾集有啲拖，可能因為啲video juicy d 又有靚女，同埋啲時間線跳嚟跳去有啲難跟（對我呢啲老人家嚟講），後面幾集拍得好啲
當一個人去到好無助時，搵其他事尋找心靈慰藉，真係會誤入歧途。
同埋個氣氛做到入教好有in咁。
果32人究竟係自殺定他殺？
姓俞嘅應該係大佬，企出車果種不可一世格勁黑人憎。
嬰兒花園仲未有心理準備去睇…
剛剛睇晒，最後尾嗰集，講D男信徒自願切咗自己嗰度，痴線㗎真係
其實用咩洗腦方法可以令女士會覺得要咁做先叫得救…?
我唔明…
*申利…未睇
1個讚
真係好震撼
BTW如果大家想了解啲人點解會被洗腦,可以睇<腦內解碼>season 2,入面有一集專講洗腦,科學+心理角度
1個讚
點解我覺得好似韓國特別多邪教
之後睇過 Keep sweet, pray and obey?唔太記得個名，係美國。又係咁癲
所以呢（題外話）
我覺得之前有傳「學生沉船意外」係同邪教有關 - 我相信
我睇個陣都有咁既諗法，但諗諗吓其實宜家好多個啲俾人呃幾千萬既人又係會信啲平常人覺得好無稽既野。同信左邪教無異。
我覺得總係有啲人腦波好弱易信人。例如俾啲gym sales sell下又洗十幾萬既例子。
我睇個netflix女仔講佢係係中學同屋企關係唔好，有被欺淩，加上個陣反叛期，但人生經驗又不足，所以加加埋埋就俾人呃左。然後可能到你發覺有唔對路既時候，佢又已經由受害人變咗加害人（幫邪教搵其他女仔），越踩越深，好似層壓式咁。邪教亦都會整一啲community咩明月洞，等啲教徒係啲封閉地方，唔同教徒外既人溝通。
同埋再細心諗下，北韓個啲其實都同邪教差唔多。所以人其實係好易俾manipulate。
我睇第二套netflix發覺啲邪教都係用類似方法。
再退一萬步咁睇，其實基督徒都無人見過耶蘇，但佢哋一樣信到十足叫人入教，只不過係佢哋既教條同普世價值相近所以唔係一個crime。
4個讚
我都有睇，所以其實呢個世界有好多邪惡既事發生緊，只係我哋唔知道。人究竟係性本善定性本惡呢？
我一路睇嬰兒山莊一路覺得同北韓啲勞改營好似，又係要你不停做苦工，又冇飽飯你食，又要殺害自己父母，又唔可以有任何男女私情。點解啲人咁蠢，明明响南韓都可以發生呢啲事，無哂常理