話說最近買左人生第一間屋
咁諗裝修真係好頭痛
我覺得最煩同老公好多意見分歧
雖然最後佢會話"你鍾意啦"
但過程係極晦氣, 同埋真係為左D小事而嘈
例如我話洗手間個電掣位, 加個防水蓋啦 (我地有一個3歲小朋友, 都要小心D)
佢就話"多餘, 唔通你洗手D水飛到個掣度咁遠咩"
同埋個掣裝下面定右面都可以拗一餐
我真心覺得好煩, 心好累
而家裝修已經開始左,. 但我冇咩心機同佢傾落去, 選擇拖拖下
唔知大家有冇試過咁? 真係好辛苦…壓力大到暈, 裝修已經夠晒煩
佢唔支持我之餘仲加重左我既負面情緒
應該點做好…?
有小朋友係要小朋友啲電掣之類.
唔怕一萬,最怕萬一.
我洗手間都多電掣位，不過無加防水蓋
2個讚
晦氣咪由得佢，更大條道理按你自己想法裝修
裝修完佢自然知道你既細心位係邊度，點解要“做多餘野”
到時記得同佢翻舊賬，講返當初佢點樣無睇到你睇到既野，淨係阿之阿左
利申：我老公都係自己想事不精細，然後話我多事的人。事後佢體驗過好，先發覺我當初小佢既野係岩，然後扮失憶
1個讚
明白, 有時太堅持搞到大家都唔開心
雖然最後決定權o係我度
好彩有個設計師可以幫下口
我老公聽佢講都唔聽我講
真係幾灰心
btw我諗我老公將來都唔會覺得呢D精細位係D咩
因為平時話佢, 佢唔認錯不特止, 仲會話返我轉頭
其實我地性格都好唔夾
成日覺得總有一日會離婚
已經唔關裝修事 
我認同你老公講法喎
1個讚
我屋企冇小朋友，但兩個浴室嘅電掣都有加防水蓋。
其實浴室都係濕氣重， 我覺得加咗安全啲。
3個讚
我老公都係乜都拗一餐，總之我講乜好多時都要唱反調
最初搬出黎住，又係好似你咁微細到你以為唔會嘈嘅都嘈一餐，每個項目都嘈，我都差啲唔想嫁
不過你諗深一層，佢肯表達都係好事，係就係煩啲，咁間屋佢都有份，大家都著緊先會嘈
其實聽完佢講，或者你試吓消化下先，唔好下下一野隊返埋去，而佢都要時間消化下你嘅想法
你整理下而家有邊啲位未達共識先，佢講嘅又係唔係咁難接受，唔接受點解唔接受，搵個時間大家慢慢講返原因，話佢知其實你都係想件事好，佢表達嘅野你真係有諗過，大家一人讓一步
通常男人見你咁平靜去討論都會理性返啲
我諗可能佢有時反應好大令你當堂著左，未必次次到可以忍住唔講住
其實都係唯有等裝修完左先會冇咁多野嘈
唔緊要架，你再上黎講佢壞話啦，相嗌唔好口呀
5個讚
真人真事，小朋友拎支叉去吉個插蘇。
況且洗手間潮氣重，加左無壞
3個讚
咁防水蓋通常用係室外嘅。有小朋友可以係家品店另外買膠插穌。
至於位置，why not both。
1個讚
沒完沒了，買傢俬電器繼續嘈
我覺得如果有設計師咁不如等專業既advise。還掂點整都有一個人唔滿意，唯有睇開啲，如果住喺入面既人關係唔好，咁間屋整到你心目中完美都無用啦。
同埋金主應該有多啲話語權。你唔想大家嘈有晦氣說話聽，或者開一個whatapp group同你老公兩個專係講裝修，大家心情好個陣先集中打字講自己意見，咁樣唔會衝動嘈交。
裝修一定會有問題，因為大家一定有唔同意見，加上大家觀點唔同，講真，好多裝修時諗嘅同之後住落去會發現當初諗法係有問題，但因為未實用到唔知，有小朋友固然要注意安全，但唔可以因而將設計集中小朋友安全，始終小朋友會大，到時嘅裝修就會變成多餘，大家坐底傾下，互相讓下，呢個你決定，個樣我決定，唔好下下都係互個人決定，間屋係大家共用嘅
1個讚
防水蓋真心無用，如果你個細路係要濕手攪插蘇，廳既/房既都攪得。防濕氣？心理安慰，E類防水蓋 一係用返插座面果2粒鑼絲，將蓋連住插座；另款係靠蓋既4 邊彈片迫住 插座4 邊；仲有一款係用雙面膠紙痴上牆，無論邊款都防唔到濕氣。
會唔會你老公覺得講都冇用，你都係一意孤行？
我唔係話你係，我係指你老公覺得
冇架 吵成世 沒完沒了
我上年裝修係搵室內設計師攪，我同老公調返轉，乜都冇所謂，唔願揀嘢，搵個人幫我哋揀晒佢
電制位就係個設計師同我老公現場夾，佢都會建議邊啲位要整，都唔洗自己去諗
點解你老公要咁堅持？美觀問題？價錢問題？定純粹包拗頸？如果係純粹佢自己一個人鍾意，咁無得傾。
為個電制都鬧交，成個裝修期有排你兩個鬧交。其實我都覺得係廁所裝防水電制蓋都幾無謂，驚小朋友攪電制，不如教導小朋友仲好喇，全屋都電制，佢要攪電制，攪邊個都會出事。
1個讚
防水蓋通常outdoor用，其實廁所真係未見過人會加個蓋因為正常用唔會好濕，至於話小朋友安全問題咁就唔關廁所事，係全屋電掣都要教佢唔可以玩