佢全職照顧小朋友我返工，知佢辛苦所以我一返屋企都有幫手做家務同照顧小朋友，可能未必每次都啱佢心水但我都係有幫手
每次問佢唔會講係咩事，次次都係黑幾日唔講野，等佢自己好，對外人又唔會咁，漸漸佢黑我都唔再問佢，淨係做好自己算，吃力不討好
1個讚
佢有冇me time ar? 大家夾下時間問下佢有冇野想做或者一齊去睇戲啊食下好西甘，我自己都會嫁，係屋企真係獨腳戲，個心情唔知係邊度發洩咪黑面，但係要同人講有咩問題，成日係咁另一半都吾開心嘅
2個讚
對外就扮冇嘢覺得，好過份，自己老婆對一世， 對出面又喺度賣面光
1個讚
我覺得唔係幫咁手就等如ok, 正如學生做功課，做錯哂同做好係兩回事
我哋每日一齊出門送小朋友返學，之後我返工，直到放學之前佢都係自己一個，我哋人在外地，佢本身朋友又唔多，語言又唔係太通，係呢度冇傾得埋嘅朋友，學校有香港家長但唔熟
你係老婆？老公唔使工作都黑面？可能佢唔習慣移民生活
1個讚
佢黑面係唔滿意你定佢唔開心？
識佢咁多年多數係有某d事令佢唔鍾意，之後再儲埋好多野一次過爆，可能係我唔敏感，佢唔太會表達自己，每次都係事後講佢有表達過不滿但我冇留意
咁你直接問下佢乜嘢事
可能佢移民後唔開心，言語不通又未搵到工，所以有壓力，仲要冇朋友可以傾訴，屈住屈住更加唔開心
係咪講緊老公 full time dad 咁呀？
咁小朋友返學時佢想做吓 part time 嗎？
移民咗去邊？不過無論英國加拿大澳洲都近年勁多香港人，佢都可以嘗試識吓新朋友吖