如你地因某些原因要分隔 （當然唔分隔最好啦），唔使講原因，雙方會隔幾耐飛黎飛去見面呢？
睇錢，地點同假期。
如分隔2地係台灣同香港，咁都可以唔洗請假，星期五飛去，星期日晚返。
但如果係香港同英國或加拿大之類，就難d，要睇下有幾多大假可以請。
但如果太耐先見面，感情一定變淡。
我以前拍拖long D，3個月見一次，維持咗兩三年。
但實際上同上面講嘅一樣，視乎錢同時間
其實uk hk 時間上都可以，星期五晚hk飛,到uk係星期六上午或中午前，短聚2-3小時，uk夜機走，番到hk星期日下午或晚，星期一番工， 當然係好奢侈同唔係成日啦…起碼見多一兩面
幾耐見一次
我同小朋友响澳洲。
COVID期間係老公嚟澳2個零月，返香港3個幾月再過嚟咁loop法。
嚟緊老公每1.5-2個月嚟一次，每次留大概1個月。
我同小朋友每年返香港一次，逗留一個月
係澳洲，
大概一個月飛一次，
邊個schedule 就到就飛，
日子由四日至一個月不等。
Work唔work要視乎性格，
如果享受獨處，或者當地有朋友，其實都唔錯。
咁樣真係好辛苦
不過可能愛可以戰勝一切。
幾好，唔使返工或者老板級可以飛多d, 其實一個月好快見
我只係幻想／假設，呢個時間係咪可行，唔知自己有無計錯時差呢？
呢個4日飛一次請問係咪唔使返工case？好爽
唔係啊，我只係好奇詢問呢個時間上係咪做得到
可以wfh嘅工都得，有朋友係咁
我同老公係前後腳，分開咗大半年
因為稅務原因，第一次見面係分開咗7個月後，佢原本訂單程票，變去歐洲旅行…
咁樣超辛苦
睇下分隔幾耐，如果可以2-3個月見一次，雙方感情穩定，可能問題不大。但分隔得耐，一年先見1-2次，就算感情本身幾好都會變淡，唔只夫妻之間，仔女對父母都一樣
朋友帶仔去英國，老公一年飛一次嚟探佢地，留大約一星期，佢地暑假返香港一次留大約個半月，佢仔有次話覺得爸爸唔係度都冇乜所謂
要番呀，Wfh，
星期四放工就去機場，星期五落地番屋企開工；
星期一放工去機場，星期二落地番office。
都幾辛苦，
飛機一般瞓得唔好，
份工又冇得扮工，
同埋時差嘅關係，要工作到當地時間十點（香港七點），晚餐都係15分鐘放個break倒落肚。
如果番香港wfh就要5am開始番工
係叫做賺咗幾日見面同執屋嘅機會。
所以宜家有目標要快啲穩定新生活，
另一半就可以嚟長住。
鬼叫我哋窮呀，頂硬上！
2個讚
有朋友帶仔女去
老公喺香港繼續搵錢
keep住見多d維繫到感情好d係值得
2-3小時真係趕到