反而住十零廿層樓以下會有啲安全感。
點解?
愈高層就愈花時間喺等𨋢,搭𨋢上面。走火警慢啲。
但高層保值,空氣,境觀都好d
例如?
以前睇樓睇過30幾樓,腳都震
可能見到火災掛
如果經濟許可
自住同投資樓真的可分開
我怕住太低的焗促,大高又心寒
我諗剛剛高過附近樓層,就啱晒我住
個人鍾意中層或者中層以上兩三層
我去過啲六十機樓既民居,真心覺得誇張,住咁高真係好無安全感
十零層都幾好
我住親的屋企都係低層,10樓以下,覺得好有安全感
尤其是住的大廈得一部𨋢,剛好遇著突發維修行上樓都好快(帶住小朋友,唔返屋企唔得)
我住過最高三十幾樓
睇樓睇過五十幾樓,景觀係開揚,但我出露台向下望會腳仔軟。
未住過高層,不過我都覺住低層唔錯,屋邨樓有時全座停電,只係行幾層樓梯幾分鐘就返番到屋企。
十幾已經滿足。住得太高走火警/停電真係寧願唔返屋企住酒店,如果要搬大型傢俬,啲運貨佬一定收得好貴。以前要運部琴,𨋢唔夠大要樓梯搬,真係袋袋平安。
同事住高高層,打風嗰陣 feel 到搖搖欲墜同埋爆窗嗰陣,附近啲樓唔夠高遮住啲風。雖然機率好低而且都只係打風季節先有呢個危機,但一諗到咁麻煩,一次都嫌多。
以前住過卅樓(維港景),
也住過平台單位(多蚊),
睇樓試過五十幾樓,望出去個心真離一離,背脊寒-寒,
最後都係覺得住十幾樓,最舒服。
成日聽人講住高層景觀會好d,開揚就係囉,如果係內園樓景,中高層都好壓抑,反而低層望平台仲有d 樹睇下。
突然想返起我試過舊公司放工大廈停電,
當時年少氣盛嘅我同同事一齊行數梯落40幾層到樓下真係腳軟,
但係成件事最慘就係落到地下之後楝大廈有返電
半夜五點左右,黃昏時候,雀仔聲好嘈吵,
一個你體能上行到返屋企嘅層數。
因為今日見到啲影片,啲消防員向雲梯度救火好似小朋友痾尿咁,根本射唔到上面,再諗返起之前嘉利大廈大火,如果真係發生火景,而條雲梯去唔到你個層都好大鑊。
喺朋友屋企住過一陣五十幾樓,水壓係俾底層細啲,有時搭lift會有小小耳鳴不過在大霧時,會有啲雲海感覺,因為係見唔到地下嘅。番工時段一定入到lift。用來投資係唔錯嘅。
低層有蚊