佢乜都唔講，我真係唔知佢邊方面唔ok
所有諗到嘅可能我都問過，但佢全部都好含糊
唯一我就明白佢係幾咁唔想
試過聽佢講驚搞唔掂，人工搵唔到而家呢個水平，其實我都明佢會驚，始終一家大細去，佢會覺得自己好大責任
我話我都會出黎做野，一人一份冇可能唔得，但可能佢唔想小朋友去daycare？或怕搵唔到daycare
再加上佢性格掛，要佢放棄一切始終係好大決定
呢段時間我自己都反覆諗佢唔適應，去到唔開心咪仲慘，我冇理由要人同我一樣放棄哂去搏
我有諗過自己去，但俾佢拖左咁耐，我已經冇辦法用自己做主申請人去加拿大
如果要一個人帶小朋友去只能去英國，但英國好似要一家人？只係如果要咁做我自己有bno，我唔駛一定要靠佢
呢個對我黎講都係好大決定，為左左小朋友將來拎婚姻出黎賭，我其實覺得值，我都咁大喇乜都定哂，反而小朋友有無限可能，我係想俾多個選擇佢
但我另一半其實都係我精神支柱黎，雖然平時都係偽單親，但我知道佢係道我會好踏實，所以對我係好大決定
可能佢唔敢博, 驚去到搞唔掂佢冇回頭路
始終一家大細連根起咁走，冇任何緩衝區係好大賭博
個人認為唔值得犧牲一段好婚姻，一家團圓都好重要
佢本身加拿大藉，你同佢結婚唔係自動有加拿大護照？
你本身係香港有冇做嘢？
唔係我
係樓主老公有passport
都係匿名認錯左
同埋你老公已經有護照，又有timeline話五年然後係想賺多啲，咁你想快啲移咪幫手賺多啲錢。
你只係諗好想移又唔出多啲力好似對件事無幫助。
同你情況一樣,我自己申請左OWP, 但佢唔想走, 已經拖到冇得去, 只可以我帶個仔去英國, 但要一家人一齊申請,佢又唔去,咁都唔知點攪
如果為錢我都明白，但如果有錢但個老公為尊嚴，咁我會建議考慮帶小朋友走先，因為錢會儲到，但尊嚴永遠都係咁，個小朋友就被影響一世
我表弟有加籍，回流返HK已1X年, 2020年見情況唔對路，即幫阿女(1歲)攪入籍回加，但到現在還未走。上個月問佢幾時走，佢話HK好好，都係唔走啦
咁計正常時候香港比加拿大好十倍，可惜而家唔正常
咁有加籍同無加籍差好遠，有加籍，有咩事走都走得快啲
有國籍唔同好多，隨時走到
否則唔會咁多大陸呀香港人用盡心機要移民，要個國籍
佢有加籍隨時都走得，HK仲揾到錢咪唔走住(藍絲就係咁)。
我嗰時都係，一早Plan好哂，結果比預期早咗2年走都OK順利
雖然做決定同搵資料+所有安排都係我一個人做
該主題在最後一個回覆創建後180天后自動關閉。不再允許新的回覆。