睇到啲新聞好多時都眼火爆
係呀我都覺得好野都難以接受，仲有細路
明明講好左去，問左好多次係咪真，唔好我申請左又唔去，點知批左佢真係唔想行個步
我好傷心
而家唯有見步行步
我都冇人可以傾到
因為冇同人提起過，諗住都未必成事就費事講咁多啦
你都好好啦老公有passport，隨時可以起行
香港仲有班唔夠錢或家庭責任放唔低而走唔到既人，繼續喺香港捱緊，佢地仲慘呀
4個讚
佢有冇講唔去原因？
咁其實你好大機會丫
佢已經有其實幾時走都唔係問題
或者唔好迫佢住
希望你最後成功
1個讚
係呀，唔好唔開心，已經好好了，我恨都恨唔到
我身邊都有啲朋友，老公有加籍又係唔肯走
我記得幾年前睇香港新聞睇到好灰，一直喺度等批出移民申請時（當時唔係BNO Visa），個心情都係同你一樣幻得幻失咁。當時真係唯有減少睇新聞、聽 / 睇多D 自己鍾意既歌 / 劇，仲有睇下KOL，等自己多D 憧憬，當係俾自己一個情緒出口。
5 年捱捱下就到
2個讚
咁佢係咩原因唔想走？怕離開comfort zone 定放唔低屋企人定點？我覺得大家一定要坐埋傾清楚，因為當初係佢話俾你申請，唔係你自己一意孤行去做。
我自己其實都有朋友類似你既case，最後係朋友自己帶埋小朋友走，留低另一半喺香港。不過佢地有計劃，另一半等4 年後退休會過去團聚。雖然我覺得呢個方案其實唔好，因為2 公婆同小朋友咁長時開分開係會影響家庭關係，尤其是佢走既時候全球lockdown、冇飛機、要隔離。不過如果你個決心真係好大，同埋你真係可以一個人喺外地照顧小朋友，咁我覺得你都可以同老公傾下，可唔可以好似我朋友咁樣，定個期限俾大家。
3個讚
係，既然要等五年，呢五年要好好過
練好英文、睇英文報紙書籍電視、留意外國流行文化學車、鑽研廚藝、學習獨立、鍛鍊身體等自己唔怕凍等等
同一時間relax，見多啲朋友家人，遠離傷害你嘅人特別係藍屍，撐下黃，食多啲香港先有嘅嘢，行下山，對自己好啲
頂住，黑暗過去就係黎明
2個讚
完全同意，
同埋傾完䀆量搵方法解決。
例怕搵唔到工
搵番相關行業嘅case俾佢知係可行，
計數預鬆啲，等佢財政上少啲壓力。
自己做先頭部隊，
暗地裏早啲搵工，
如有好消息就可以宣布，但佢安心啲等等。
另外，睇吓兩邊屋企人會唔會幫到口/手。
有時長老開口都會減輕佢嘅心理壓力/推動佢走。
加油呀，
我個豬隊友都係由唔肯走，
到宜家知道/肯試。
1個讚
我老公當年講，3年後走。我就私下準備，睇曬申請文件，上網睇曬FAQ，落腳點、物價、校網、車牌申請… 睇到可以上網教埋人。
有日情況惡化，老公話提早計劃一年。我話好呀，成份幾個月前填好咗嘅 bno申請form俾佢簽名。
又有日再惡化，老公話再提早半年。我話好呀，即刻俾個一早預備好嘅搬運公司名單佢揀，俾埋飛機班次佢。
好彩我提早準備，否則老公話要提早都趕唔切。
14個讚
唔走都可以準備，最好準備到隨時都可以走
1個讚
唔好灰，唔好被打敗
你記住你已經贏人兩樣嘢：1. 老公有加籍 2. 有schedule 走
人生條路，你嘅attitude決定你嘅latitude
1個讚
我覺得你老公係加拿大生活過所以知道自己想要咩，同知道實際係當地會遇到既問題，如果係想賺多啲先過去都有好處。有時咁大件事真係要plan下。
同埋如果係香港有返咁上下生活質素既，越要plan多啲。就剩係兩個識唔識揸車或者有冇工人都影響好大。例如，一個識揸一個唔識，咁係咪要一個人keep住接送？要買兩架車？仲唔知你有冇小朋友。
已經有passport 就唔駛急既, 我都有回流朋友, 佢地先係最放心
放心賺錢
2個讚
有冇小朋友先？有既話其實好多嘢可以睇/準備
例如day care /邊區學校好/ 邊區冇咁多大陸人等等
係，佢地唔少俾小朋友讀國際學校，到中學先成家走。有啲就俾小朋友讀幾年直資學下中文先，打算唔對路先轉國際學校（有一個就轉左）
樓主有冇小朋友呀？如果冇小朋友, 就喺呢幾年喺香港摶殺, 搵多啲, 儲多啲啦.
加拿大稅重, 就算好彩俾你地搵得返香港嘅人工, 份糧都冇咗起碼20-30%, 人工高啲啲閒閒地俾4-5成稅都唔出奇.
我都明樓主想儘快離開香港, 但你對離開香港後的生活 expectation 係咩? 趁呢幾年學好英文, 多啲接觸外國新聞資訊先, 好過過到去先發現同自己期望有落差.
試吓調節心態, 唔好當個新地方係"避難所", 唔好因為"你唔鍾意香港, 所以去 xxx", 咁樣會好難適應當地.
“因為鍾意xxx 多過香港, 所以決定移民”, 呢個先係正面嘅心態.
1個讚
+1 攬攬
我老公覺得一定要依兩年走，話英國 may2025會review bno visa，到時收返就無咁易走。
可能男人無諗咁多親情既野，眼見佢果邊阿爸有老人痴呆初期(可能已經中期都唔定)，阿媽有一邊眼中風得返一邊睇野，而佢阿媽係需要照顧個弱智細佬。
我果邊好少少得個情緒勒索既阿媽，關係淡過水既阿哥一家。
錢，我眼中夠過去頂到半年，兩個成年人平時都低物慾無乜問題。但我老公原來想夠頂晒6年，都傻傻地。
過到去佢做唔做野唔理佢，我就一定會搵工。
我O個件想10年後走, 我心諗: 10年後BNO可能已經變左垃圾…