其實我覺得佢私人帳號講相反嘅嘢又真係…
不過停職又好似誇張咗，係咪？
From King Jer台fb:
903 DJ梁文禮早前被朋友cap低佢於私人帳號嘅言論，並公諸於世，內容包括批評Gigi演唱會、楊千嬅、陳奕迅，翻唱張國榮嘅歌手例如姜濤、AL等。今日商台宣布梁文禮將會停職3個月：「有鑑於本台節目主持人梁文禮近日於社交平台對個別音樂人發出帶有傷害性之評論，經本台負責人與梁文禮共同檢討後，雙方同意於2月27日起暫停其主持人職務三個月，待冷靜反思過後再重新出發。」不過就有唔少網民到商台社交網留言，質問903是否有必要罰停開咪。
如果講錯誤。。。咁其實要停職既。。。應該係占同donald吧
講相反野真係好差，不過又未至於要停職咁嚴重
一個光明正大擺人上台講，
一個背後插人
咁我會覺得背後插人衰啲。
2邊都唔係好野.
但占同donald係未得到人地同意用人地張相, 仲笑人地性取向, 我覺得事關重大
事件商台係咩文化… 
少爺占同當奴咁多年把口都唔收衰衰格格咁
又咁講啦…我個人覺得係自己私人賬戶講咩都應該係自由架… 係香港, 為生活為生存, 擺上枱嘅講法同私底下有唔同都唔係一件咩特別事呀… 只不過佢算係公眾人物啫… 停職就嚴重咗…
可能同事關係，迪偉寬宏大量，所以無俾人停職。
諗起當年森美小儀 我最想非禮的香港女藝人都出過事，佢地主持個節目都要停。
我都同意你講法~
所以, 我覺得大事大非既野, 唔好拎出黎玩, 正如森美小儀, 當奴呀占
但… 阿禮黎講… 我覺得真係不至於此…
不過呢D都應該公司有諗過度過既…
而且當奴呀占係公司高層, 亦唔係話罰就罰
可能想殺一警百
係喎，呢個重點都未定。 
有咩問題？只許讚，不准彈？仲要private acc 講。
作為一個員工，其實我明點解要做得咁假，你估個個咁大量可以接受你個DJ 批評咩？
隔離移英po一樣，一彈就叫你走。
So商台算幾好，都冇炒人。
好多怨言咁喎，咪過返去講囉，真係彈一次咁少咩？
惡L過共產黨
你以偏概全
我都可以話：彈到咁仲唔走咁難為做乜？
人地冇相反言論，公眾帳號只有讚佢靚呢個point，而私人帳號就話件衫醜但佢carry得好，再加一堆彈嘅說話
講開又講，呢件事揚之後，我覺得佢真係又無表裡不一wo
佢的確係對外就讚A, 內裡就彈B,C,D, 無衝突架wo
高！
點解占同Donald就冇事?
