港書館 HK Books Borrowing and Sharing Centre in UK
簡介：
我哋嘅服務
網上平台港書館，以非牟利形式喺英國提供借閱同分享香港相關書籍或正體中文書籍嘅服務。我哋就好似一個公共圖書館，俾英國嘅所有讀者都可以由我哋嘅線上平台上借書。書籍通過英國郵政服務直接寄送俾讀者。我哋都歡迎世界各地嘅任何人通過我哋嘅線上平台向英國讀者分享你哋嘅書籍。我哋不收取任何借閱或交易費用，所有已註冊嘅讀者都可以由我哋嘅網站免費借書，但讀者需承擔一次運費。
我哋嘅營運模式
借書
任何居住喺英國嘅讀者都可以由我哋嘅網站註冊成為會員。新註冊會員可喺我港書館網站同時借閱最多 2 本書。當書籍可借閱時，將直接寄送到會員嘅地址。我哋並唔收取借閱費用。
每個會員可以保留借來嘅書一個月。由於我哋無實體圖書館來存放書籍，借閱期滿後，請借書者將書籍直接寄俾下一位借書者並承擔一次運費（運費請直接支付俾英國郵局）。若果該書藉未有其他人借閱，我哋請借書者喺書籍到期後暫時保管該書，直至我哋發出通知並請借書者將該書寄俾下一位讀者。