我最近 covid-19 後有失憶問題，影響工作表現，同上司解釋完，佢居然同我鬥慘，到底佢呢 d 係咩心態？
覺得你9up
2個讚
即係同一個唔信鬼嘅人講你撞鬼。
關於工作，真係唔可以話中過武肺搞到影響工作做藉口。
如果真係唔記得，有失憶，咁你要自己記低講過啲嘢，或者出EMAIL 白紙黑字大家清楚楚。
10個讚
如果我係你上司, 都唔知可以俾咩反應你
請你返來係幫手解決問題, 而你又講你個自身問題佢知
不如諗下有咩嘢幫到自己?
記事簿, calender, agenda, post-it… etc
4個讚
好嚴重？
我朋友話佢又係咁，呢個病真係好奇怪
不過我都想講，我家姐中咗Covid-19後，記憶真係差咗好多。
佢嘅工作係成日都要上台分享，每次望住佢準備工作，比起以前用多咗好多好多時間。成日記唔到嘢。我見到都心痛同擔心。
或者有無睇中醫調理吓？希望樓主搵到方法解決啦。
1個讚
代入佢個角色 :
當你精神病, 做咩同我講, 我又唔係你朋友
(簡稱, 無同理心, 但返工又真係好似唔需要同理心, 同事要幫手, 幫
但你呢D個人問題, 你想我點幫你?)
我仲慘過你都未開聲講啦(即係佢覺得佢自己都有辛苦野, 仲要係你上司, 我多野做過你多多聲,
你憑咩係度賣慘)
大致係咁
點解我會咁講, 我都有個FD 佢係人地上司, 成日都覺得自己條靚唔掂
(當然, 就咁聽, 佢條靚又真係做野比預期慢, 變左本先應該係條靚做既野, 佢做唔切, 我FD幫手做, 但就變左佢自己多野做左, 自己辛苦左, 但條靚覺得無問題 (條靚唔OT, 因為住得遠同要返屋企煮飯), 我叫佢換個人, 佢話唔想再教過, 同埋未必請到個正常人, 做住先, 唔岩就 串佢兩句, 潤下佢
(唔好問我點解要咁做, 我都唔明)
1個讚
我係忘記咗的 d 英文生字點串，咁即係要溫書了
公司可以用internet啦？
即刻用中文google 搵佢個英文串法
解決左喇 
3個讚
如果只係咁，你期望上司可以點做？幫你查字典？
明白你係真係受個病影響，與其期望人地體諒，不如依靠自己，記性差咗，可以用啲app、甚至寫底去提自己，邊啲字成日唔記得，寫出嚟貼枱前。
你嘅上司心態似係每個人都有自己嘅難處，佢都係自己攪掂而唔係叫其他人體諒。
4個讚
同意,
公司請你返尼係解決問題, 唔係呻同比番個問題老細