我都有個ex又係好鍾意踩人包括我，佢覺得自己好勁，事實當然唔係啦，讀OU都讀到亂晒龍，又話理科先係科目，文科係垃圾，又鍾意以出身度人，自己公屋之嘛
飛，佢喊苦喊忽爆到死，我睬佢
呢世最正確決定之一
6個讚
最怕係上咗賊船後先見到真身……我就係人版。
我覺得係佢自痺／驚你唔要佢，講到你差啲，等你覺得自己好差，得佢咁差都肯要你咁。
妹妹，離開一啲令你傷心嘅人，可能佢都愛你嘅，但佢更愛嘅係佢自己。如果佢珍惜你，又點會捨得令你難過？如果佢繼續變本加厲，你覺得仲值得你同佢過人世？相信依度好多人都俾到答案你。
我老公就係咁既人
不停打擊我自信,抬高左佢自己
佢真係無聊口痕咁講,爆佢一鑊會收口一排
而家我ignore佢講既野
大家都有缺點架啦 又唔係第一日
佢話我肥,但我有每日去行下散步,間中做運動,肥極我都輕過佢
仲有其他野彈,煩到我話你咁不滿就走(我當佢中年危機乜彈一餐)
建議,爆佢一鑊,睇下收唔收口
如果佢咁都唔收下,真係要諗下仲一唔齊
4個讚
兩公婆都要互相尊重，冇任何人有權係咁踩其他人
爆佢一鍋金嘅一於，無論走定唔走
3個讚
我都覺得係尊重問題，無理由得閒無聊就言語上bully 你貪好玩，咁只係將自己快樂建築係人地痛苦之上。
1個讚
He ‘s definitely a toxic partner.
2個讚
我初戀男友都係 中後期一見親都有說話被我聽
話我似個樣衰男演員 又話身材走樣…總之講到我好差 一文不值 分手前幾個月 仲講浪費左我最青春時間 好開心 正人渣黎 我個時都會唸 自己係咪無人要
單身出返黎 發現根本唔係甘
宜家結左婚生左仔 有個錫自己的老公同囡囡
好慶幸及時止損走人
5個讚
佢唔想做衰人提出分手嘛
你主動提出分手，佢暗暗竊喜之餘仲可以周圍同人扮可憐添
係咖，其實咁挑剔即是已經唔愛了，不過愛唔愛都已經唔係issue 了，最緊要問自己喺段關係裏面開唔開心，如果係對方令你唔開心，即走。就算佢愛，都唔值得為咗得到嗰少少愛而令到自己咁卑微。
我覺得要睇佢語氣同個事實。
例如你係唔肥但佢講笑咁話你肥豬仔，咁佢係講笑想同你玩。
但如果係真係肥又嫌棄咁講肥豬，咁咪係嫌棄同攻擊。
我老公都會講笑話我懶同蠢，但我都會笑返佢，要睇有冇過左界線。
你唔開心就已經係過左界，可以同佢嘈下俾佢知道你底線，唔得再行動升級。
外在行為難接受醜怪
多謝各位嘅意見，我決定咗下次佢再咁講我就爆佢一鑊，睇吓佢會唔會改，如果唔改咁就算了，分手算了，無謂令自己唔開心
14個讚
可以的話到時上來update 返！
1個讚
Good 攞返主導權
1個讚
支持你
我有朋友都係同左咁既男人拍拖幾年。
佢地拍拖時, 條佬又係成日批評朋友個樣同身材, 甚至響朋友面前"目及"女, 又開到聲叫佢整容。其實我都唔睇好, 因為朋友本身都好有異性緣, 但朋友最後都同呢個男友結埋婚生埋B。
個B 未出世, 朋友已經同我講想離婚
(但我朋友係果d 把口講完就算既人, 當然無離婚啦)
到個B 宜家大少少, 宜家朋友都仲係間唔中講老公好孤寒呀, 老爺奶奶好難頂呀, 自己後悔結婚云云
我都覺得你應該考慮清楚仲一唔一齊落去, 祝你好運。
你用返同樣語氣嫌佢A嫌佢B睇下佢點
我老公都話我蠢肥懶成十年
聽慣晒
大家感建分，我試下俾其他意見。
有得救嘅，方法就係強烈反抗。佢罵一次，就大發脾氣罵返佢轉頭，最好要丟爛嘢，丟佢禮物，唔見佢幾日，佢先會明件事有幾嚴重。如果佢識收口，就有得救。如果佢繼續，或者你勢弱唔敢堅持反抗，就要停止關係。
我老公有時都會狂睬我，不過無樓主咁嚴重。我唔會就佢，我先好言相勸，再嚟就嘈交，再嚟就離家出走兩小時。咁佢就會知驚收口。
我由細到大，媽都係狂踩我老豆，但佢哋都係當情趣/講笑。有時反而係我睇唔過眼，但佢哋無理我抗議。
好多老一輩都有一方狂踩另一方嘅問題，長年累月佢哋慣咗，唔知自己有問題。講嘅人覺得係講笑，佢哋真心唔知自己錯。
2個讚
我都做過你男友個角色
果時返工識左個男仔，靚靚仔仔咁，知我有男友都係咁flirt我，我都有d心郁郁，但我唔係會一腳踏兩船果種人，好掙扎諗要唔要同男友分手
之後就成日睇男友唔順眼，好似你男友依家咁
我男友脾氣好好，冇嬲我，仲問我係咪做野忙咁燥底
過冇耐我就索性轉左工，冇眼屎乾淨盲
依家男友變左老公 
佢好好，當日冇揀錯
2個讚