分手啦，唔好嫁俾呢個人，拍拖都咁結婚後會變本加厲
直接問佢係唔係遇到個比你更好更正既女仔
大家都感建分
樓主，講個故事你聽。我之前有位男朋友就exactly 做過你男友做緊既野，講得仲再密d。我同你一樣有抗議，不過我有時當佢唱歌(我面皮厚)，都唔特別講咩。
到最後出現左個potential男仔，同佢未開始關係超普通，但當時已trigger 我去review 左一下自己段感情(5年+), 原來佢d說話，每講一句就越扣減大家既愛(或者係我對佢既愛)，扣扣下先發現原來因為習慣左隔離有佢，即使我無出聲要離開，但對眼不自覺出面留意下其他男仔。當有個ok ge 出現時，你先發覺原來感情分都扣晒，充滿裂痕，甚至講分手都唔心痛的。
當然個時對男友來講係一大打擊，但我係本住無人要都要同佢斷捨棄提出離開。我仲記得個時同佢講：喂你求仁得仁啦，咁咩仲好，唔阻你搵下一個美女。
我想講下點解男友會咁講野，我覺得係：
表面上：無聊，口痕，其實佢唔係咁嫌棄只係無野搵野講，想睇你反應
潛意識：自卑底，想conquer 你，想話你知you are not perfect, 但亦無打算要幫你改進，只想打沉你
其實要唔要分手，好簡單，留意下佢係咪將你排第一，如果曾經第一但不再第一，已經可以走了。
25個讚
一個人睇你唔「順眼」，以後嘅日子只會每況愈下，好難會變返好
1個讚
變左心……
你講中晒我嘅感覺吖 
其實佢唔係對我唔好，有時仲好好，但就係成日都咁話我，搞到我唔上唔落，唔知想點咁，聽得多又唔開心，同佢講又無反應，佢仲覺得係開玩笑，我小氣
1個讚
但聽多了真係好反感，都想分開冷靜吓
我個時真係對佢講野耳邊風。只係佢太成日講，無其他話題，我就覺得好annoying, 多過對佢講既內容反感。
佢講親都係外型問題，內在問題唔敢攻擊的，所以真係好悶。你咁鍾意靚女咩搵靚模lor, 你有錢溝到人先講啦，真係好煩好無營養。
毒男心態，想要更好又唔敢追求，關我屁事wo
3個讚
佢話你小氣=佢搵個好薄弱既理由要你繼續受佢bully。你有既係大量，唔係大愛，分清楚。你可以原諒佢幼稚，但你更加要愛自己，大愛落自己度。
我個時，有朋友問我，工作好忙wo星期一忙到星期六，得返一日你想自己過定同佢過。我諗都唔使諗話要自己過！咁已經好明顯，你仲需唔需要佢。
你可能未到分手條線，我唔清楚，但都可以考慮下(又一個感建分
)
3個讚
試下發佢一個大脾氣啦。我諗要有d野挑戰下你2個既感情現狀先可以睇到應該點做。
就咁睇，我覺得佢睇你唔起，如果雙方地位唔係對等，比著我就一定會分手，無乜必要受氣。
3個讚
我都同過百彈齋主拍拖，久而久之你只係會越來越唔開心，自我價值越來越低。
我試過搵張紙寫低佢批評過啲乜，頂佢個肺 30 幾樣嘢。
同佢講你唔開心係冇用既，佢千篇一律只係會話：我都係為你好先批評你。
但問題係愛一個人唔係打擊佢自信，不斷咁係佢身上挑錯處，人無完人，我夠知我有缺點咯，但我唔需要經你把口講出嚟，佢講出嚟即係佢唔相信我有自己成長既能力，係對我既一種貶低。我需要既伴侶係一個人可以係佢面前舒服自在咁做返自己，做咗on 9 嘢大家笑吓就算，而唔係吓吓驚住驚住有啲乜嘢唔入佢眼，而惹來一番批評。
嗰個男友最後係一件小事佢又一番訓話，我講咗一句佢講足十句。最後我頂唔順：好攰，唔講了。
唔駛諗佢愛唔愛你，就算佢真係愛，佢都係唔識點愛，或者佢咁樣形式既愛唔適合你。問心嗰句，你都唔想下半世同一個訓導主任一齊。
以上係分享一啲人生經驗，人人情況唔同，點決定你自己諗。
16個讚
同一個人拍拖，唔代表佢就係你既最佳拍檔。如果你感受唔到愛既溫暖，甚至會被佢傷害，咁就要講拜拜。
1個讚
使乜佢決定分手？自己灑脫走人
3個讚
男人自卑實會搵嘢話你，對你好極有限，人得一世，你仲大把青春，唔使對住佢喎，自己一個都好丫
飛
2個讚
呢類人唔會講分手，咁難得搵到個比佢任意挑剔既人，邊捨得放手
頂唔順就走啦，你無欠佢d咩
7個讚
我有朋友有同呢d人修成正果，正宗一個願打一個願捱
不過呢d爸爸對自己仔女都好無耐性，佢地只想要perfect child, 仔女有咩呀媽第一個食，for樓主你參詳下
10個讚
係喎，呢個point好啱
父母都唔應該係咁挑剔仔女啦，不過冇得揀父母。男友就梗係要揀過個啦
愛包容好多缺點？
一個變咗心嘅男人，你做乜嘢都唔順眼。建議你都係斬纜吧