因為我老公落地兩星期後就已經要返工，得我自己仲要帶住小朋友去搵屋比較辛苦，所以想搵sourcing agent租定屋先。
請問大家有用過ok可以推介嗎(London附近)？
Thanks!
嗰邊agent 見你唔喺Uk ，email電話都唔會回覆你。嗰邊agent 唔係 commission based, 唔會好似香港咁勤力。
你有朋友喺嗰邊，可以幫手去地產鋪 / 約agent / 傾第一轉 details 同幫手睇屋，咁都仲有機會。
如果唔係你都係租 Airbnb/ service apartment 機會大啲。
1個讚
作為一個業主，我一定要睇租客嘅reference check、做乜職業、有幾多人住等等。
有時某啲剛剛到步嘅大國人就算預早俾半年錢(因為冇英國reference,但自稱係某強大銀行膠層) 我都唔會so佢。所以租唔租到屋就要睇吓好唔好采。
我好好彩，就咁係香港搵英國當地Agent就搵到
但我係用英國電話號碼打去英國，唔係用email
我個時情況同你差唔多，都係到埗兩星期就要返工。我個陣係先租兩星期Airbnb到埗再搵租盤，好大壓力 
依家 London既租盤好搶手，有時親身去睇完出offer都可能俾人加價搶咗個盤。如果可以嘅話先係心水地區租一個月Airbnb穩陣啲，Good Luck!
我朋友住開london, 早排比業主要收屋所以完約搬
佢都搵咗成2個月先有合適的，因為佢話一係唔岩，一係比人加到太貴
所以租Airbnb係好，煩少好多嘢。
如果一心諗住搵sourcing agent, 應該係會煩少d. 我之前試過搵， 不過佢地係prefer妳自己搵盤先， 佢幫妳去約同睇。 由於當時我人已經係果邊， 最後我都係自己攪掂
其實都好睇妳budget同location
你哋可唔可以再早D到？冇credit score，仲有小朋友，只得兩個禮拜好難咁快租到屋喎！
1個讚
我哋contact緊sourcing agent(多數係移英香港人？)幫我哋搵租盤先，應該個agent會幫我哋拍片俾我哋睇，希望落地前或落地數星期後租到，而家距離落地時間仲有兩個月。
不過呢類agent好似良莠不齊，所以想問問大家有冇用過邊個ok。
如果唔搵呢類agent就預租兩三個月airbnb, 但就得我一個帶埋仔仔去搵屋。
另外我先生已有job offer and 可以up-front 1年租金會唔會易租少少？
如果你先生公司可以幫忙準備文件會易啲，包括start date，employment type同annual salary。一般業主會要求租金唔多過稅前收入既四成，例如月入£4000，咁租金既上限就係£1600，如果租金高過上限就要先俾shortfalls。比起交一年租，我覺得業主比較重視收入穩定。
你哋心目中有冇想睇倫敦邊區呀？想揸車定搭tube多啲？
1個讚
一定會
有job offer係穩陣好多， 我個case係一做refer check， 會即刻搵HR去攞資料
我哋響伯明翰，嚟之前contact過4間，分別係鬆仔、香蕉、Explorer 及宜居置業，前面兩間一開始已經話手頭上冇我哋需要嘅租盤。Explorer及宜居置業兩間收費都合理，同埋都好交帶！最後因為timing問題，結果同宜居置業租咗！
不過最初搵宜居置業時，原本係問一個未有咁快交樓嘅new build 資料先，但我哋就快過到嚟，趕唔切收樓，所以都叫佢幫忙搵租盤，但之後都冇搵返佢哋買屋
但我想話好Explorer 真係好nice，早排響屋企附近睇屋時，撞啱同佢一齊睇，其實佢知我哋自己約agent睇屋，明知唔會幫襯佢，但都教埋我哋點睇間屋結構問題
2個讚
其實我無介紹架，我當年都係租airbnb。
不過可以提議你，講清楚「倫敦附近」指邊區。有啲人嘅「倫敦附近」係zone 1-3，有啲人係zone 4-6，有啲人係倫敦外面嘅Reading, Woking, Guildford, Milton Keynes, Kent。sourcing agent一般只會包部分區。
我有個朋友去咗Reading後，幫香港人睇樓。我有時都免費問下佢意見。
2個讚
我哋想去Sutton呀，平衡到先生返工搭車方便同小朋友返好學校，我哋一開初睇過Rightmove見到都一定數量嘅租盤，但近排同喺倫敦嘅朋友傾過佢話其實Rightmove上有七成嘅盤都會冇咗，所以就諗搵定屋先過去會穩陣啲。
謝謝你呀，會搵吓佢問問
係呀，我問過鬆仔佢唔cover Sutton
1個讚
買new build唔係直接聯絡發展商咩? 都要搵agent?
agent 係有辦法搵到新盤囉
咁agent應該會幫客去視察環境同選屋位置
你要小心有d sourcing agent 會一個租盤俾幾台香港客睇，錢佢就同全部客收左但只有一個客租到。
1個讚