"為中小學供應午膳供應商「活力午餐」早前因人手不足，在復課初期發生食物安全問題及遲送飯等混亂。活力午餐更於昨日（16日）向學校發出通知，經過審慎考慮，決定於2月20日及21日暫停供應兩次，估計全港逾10萬師生受影響。
專賣日式飯團的「華禦結」於facebook專頁發帖稱，將於下周一及二提供多款飯團，並以優惠價$10供受影響之學校訂購，並呼籲大家inbox提供相關資料。
「華禦結」新聞稿亦指，公司會彈性調動華禦結工場生產線，另額外增加超過2萬件禦結產量；將開放專線予受影響學校，並主動聯絡受影響學校團體。現已有多間學校確定支援方案，包括：天主教主堂區學校、仁愛堂田家炳小學等。公司現正主動聯絡其他有需要的受影響學校團體，他們亦可透過華禦結Facebook專頁聯絡查詢有關支援方案。
活力午餐昨日公布下周一及二暫時停產後，網上出現不少家長苦主，認為飯商做法不負責任，另有受影響學校亦表示，已立即為學生的飯盒到處張羅，另覓飯商或安排學生出外用膳等，有學校亦不排除改上半日課。
教育局回覆表示，已知悉事件，並了解相關學校正就其校本情況制定校本應急措施。教育局會繼續留意情況發展，提醒學校須與家長及各持份者充分溝通，並會為學校提供適切意見。"
source: topick (經濟日報唔貼link)
我八卦入去華禦結fb 睇下留言
主要係兩大方面
- 學校因為集體訂飯需公開招標等原因, 唔願意幫手響果兩日集體訂飯, 如果有得俾家長直接去門市用$10 買飯團就好喇
- 你地快d 加入學校飯盒供應商啦, 可以提供有營養又好味既日式便當 <— 其實我唔明齋食飯團有咩營養? 飲個湯就夠膳食纖維?
1個讚
所以學校係怕比大家樂告嗎? 個重點係唔係應該放係小朋友無午餐食呢度呢?
$10 都願意做一定蝕本、一定唔係做善事啦，擺明就係想因此事，圖想搶咗呢單合約，手段夠快夠狠，做生意就係要咁 
2個讚
我同意呢單野係想呃like, 做PR show, 一定唔係善事
但唔一定蝕本
門市平時賣18蚊一個飯團
係因為要俾門市租、燈油火蠟, 出糧俾門市員工等等
(同一個飯團港島某d 分店會賣得貴過九龍新界區)
宜家係工場做好搵個司機直送學校就搞掂
而且飯團一人一定唔止食一個啦
做三四間學校可能已等於一間分店閒日既生意額
工場都要食材、米、調味料、租金、器材、水電費、物流、及人工，現今通漲咁勁 $10元一個飯連盒，肯定一定蝕啦 ! 唔可以唔諗燈油火蠟，做過生意就知成本多樣化，表面咁諗好難會了解 
學生如果真係食開華禦結，以後仲邊會幫襯舊供應商
#雖然華御結係藍
1個讚
我估有信心打和先會玩咁大 (economy of scale?)
另外之前呢度有個傳聞話為左慳錢
會用過期野, 唔知係咪真
我反而唔理解點解咁多人話"健康"
只係個飯團少餡
所以感覺食少左肉?
但係咪又係食一pat 沙律醬/ 照燒汁加一細舊肉
又無咩菜
2個讚
好明顯單野為marketing, 呢家贏晒noise, 我想知到最後有幾多學校幫襯。
我反而覺得佢比受影響學生家長買仲好啦，唔係間間學校出頭處理飯盒，好多都扔返個波比家長，咁呢堆人唔使幫咩？
1個讚
利申: 未幫襯過
佢好似之前有推過特價, 但好似量好少, 比人投訴佢特價果d好早就無
1個讚
我覺得唔出奇
日本野好穩陣
買返屋企果啲日本食材、過左期兩三星期、照食外觀同味道上都冇乜問題（我99成日咁食、話左好多次，工人姐姐都控制唔到。）
但係大公司應該有曬程序？
咁落手包裝果班人都係打工
點會同你慳
啲老細夠膽同啲員工講：「過咗期照用啦。」
唔怕比人拍片錄音？
係買飯團嘅, 7-11, Circle K都有啦.
華本身個零售價好貴.
2個讚
system
於 關閉
17
該主題在最後一個回覆創建後180天后自動關閉。不再允許新的回覆。
