但一家4口去好貴，機票都2萬幾3萬，仲未計酒店洗費，所以諗住改去台灣，其實多唔多好似我咁會覺得貴而唔去？因為我見身邊人個個都好似好富貴咁，話去就去，所以有朋友約我去日本，我都唔敢同人講係因為貴所以唔去住
有乜所謂啫
睇下本身屋企乜野環境,再講呢句說話之嘛
你香港出發定英國出發先？香港一定唔使咁貴啦，8000至10000一定搞掂機票，我買左英國來回東京中停香港都係20000幾咋喎，食宿就有平有貴
香港去日本咁近梗係話去就去啦，去3，2日得，去10日8日又得
香港出發，一家4口機票可8000至10000搞掂？要係學校假期先可以出發
唔好復活節假去，暑假會平d，不過今年岩岩疫後第一年暑假就未知但正路會平過聖誕新年復活節
咁唯有等下啦
如果朋友約就飛甩仔女自己去，唔使就學校假期仲平
2個讚
有排，我諗至少要等佢地中學先可以，應該10年後先可以諗。。。
比著我1個人，應該真係可以話去就去
暑假去啦，暑假檔期長，已經比其他假期長，算叫做平d
我買左7月底1家4口去6日
機票19000左右
酒店。。細路大，住唔到家庭房。。要分2間，6日，都16000左右
洗費食野預2000至3000一日，應該控制20000內
自由行其實真係好貴
如果想去又想平d, 跟團
3個讚
小朋友幾大？以前我仔女讀幼稚園至初小，學業冇咁繁重時，都間唔中請假淡季旅行，平好多。
暑假最尾果個星期最平，可以留意下
如果幼稚園就唔使諗學唔學校假期啦，照請假去啦
1個讚
一係撇甩仔女自己去都好爽
事實上而家係貴過疫情前去，我上個月都去完泰國，機票來回一家四口都萬六，計埋酒店洗費都三萬幾，日本就更加，要就小朋友返學就一定平唔到，我睇過，佢地返學日子去日本個機票同我旺貴去泰國差唔多價錢。無既未得台灣開關去玩囉，都係飛都係旅行，唔洗逼自己一定要去日本，想去再慢慢儲下錢再去玩！
2個讚
無，好有同感
旅遊界剛黎5常，我覺得好多野 even 航班，人手都未跟得上，就算唔係紅日唔係假期，機票貴同酒店都貴過3年前
1個讚
我哋好多客人過嚟沖繩，因為沖繩平(新年都係4000)。平過曼谷布吉。國際航線旅客 ANA 仲有內陸機優惠, 經過沖繩去東京大阪.
同意你既講法, 航空旅遊業都餓左咁耐, 佢地都要搵啲錢
去填番呢幾三年既支出, 預左無以前咁平…
2個讚
樓主去旅行係為放鬆唔好同人比較, 按自己能力去輕鬆玩.
如果你屋企有幫手湊小朋友, 可以考慮下等唔係學校假期
同老公一齊去日本玩幾日都得…
2個讚
機票應該係最貴，你可以格下價睇吓有冇啲promotion code平啲，酒店想平就住air bnb，日本個啲都企理，可以一家四口一間apartment。
我覺得唔瘋狂shopping既，去到食嘢個啲都唔算好貴，量力而為啦。
去日本真係唔平, 就算閒日都比其他地方貴, 我覺得去旅行自在relax下, 行下食下, 一家人去邊都可以, 小朋友就更加, 只要有得搭飛機有得玩, 地點唔重要… 其他人點睇點諗就由佢啦… 你一家人去旅行關其他人屁事咩… 
2個讚