我住公屋隔音好差，其實喺房都成日聽到隔離果兩母女好大聲講嘢！佢專門係淩晨12:00幾嘈到有時半夜3點！有時個女喺度大叫（廿幾歲）個女人把聲天生好大，通常佢一出門口成條走廊都知！好多時訓訓吓比佢把聲嚇醒.已經錄音同屋邨主任投訴.主任打電話勸佢唔好半夜咁大聲講說話同大叫！同埋貼紙喺大堂. 靜咗一排呢排又嘈過⋯直頭訓訓吓佢把聲入咗我夢變咗惡夢嚇醒！請問除咗向房署投訴仲有冇其他渠道投訴呀？thx
報警
1個讚
帶耳塞訓覺，幫到少少
你同主任投訴過幾多次？
如果靜完一排又發生，夜晚CALL食蕉問侯個家人，辦公時間繼續搵主任投訴。
（你問吓主任鄰居嘈音會唔會扣分？）
朝早我要聽鬧鐘，所以唔得呀！5點半我要起身整早餐整飯比個女返學
舊主任投訴過1次，而家呢個新嘅又係投訴過1次.主任話呢啲最難搞，有時佢哋上唻聽有可能冇嘈.但轉頭走咗佢先嘈.所以想試吓報警理唔理
主任話扣分要証據、佢再嘈佢就搵保安晚晚聽！但話定我知未必佢上唻果陣個大6婆嘈緊！
擺近D個鬧鐘得唔得？我用電話鬧鐘， 較到最大聲都聽到
如果未正面沖突過、試下寫住信入佢信箱，溫和d，唔好用責怪語氣，講下有咁既情況，大家互相體諒下之類…(當然如果已經硬黎沖突過，呢招就無用)
我夜晚慣咗個電話較到最細聲聽住歌訓，都係電話較鬧鐘呀
花情神去搜集"證據"變相都係懲罰緊你自己，做你鄰居已經無得變(住得公屋真係睇彩數)，除非佢係嚴重做出傷害人財產生命既野，否則你都唔好以為房署會真係會扣佢分，由其係佢呢d新人類，硬住頭皮咩都好，扮下做好鄰里係無辦法唯一辦法
我今日返屋企撞正個大6婆開門，我直情企定喺佢面前啤實佢！我已經頂唔順佢晚晚果把聲滋擾.已經投訴過佢都仲嘈好似專登咁.就快忍唔到撳佢鐘開火
唔知你用咩機， 我部係三叔， 鬧鐘個聲量係獨立調較既， 或者你可以測試下你部機先
對住d咁自私既鄰居真係好難攪， 不如妳較鬧鐘貼住佢幅牆， 由妳起身開始， 每個鐘頭響一次， 可能好快到佢搵妳
1個讚
我用蘋果呀，鬧鐘都係獨立較！不過我壞習慣要細細聲播歌訓，所以用唔到耳塞
我都有諗呀⋯⋯但到實行又做唔出
Oh 咁冇辦法啦~我都要聽住收音機訓, 但我會較到個收音機大聲D, 咁帶耳塞都仲會聽到D聲
一定係戴耳塞 你情願較大聲啲鬧鐘
要習慣架，我都比噪音滋擾好耐
我都係咁，鬧鐘一响隔離屋就有反應，不過我戴左耳塞反應慢幾拍，响成分鐘先聽到走去熄
都無辦法，都係次次嘈就次次報警
試過有啲問題鄰居，半夜三更同啲鄉里開大音響唱k，保安上門都唔肯開門（應該大聲到保安拍門都聽唔到）
無得瞓，人就躁，我老公走去大力拍門xyx佢哋，佢哋怕惡人，之後就無再嘈，我哋住多左一年都搬走。
1個讚