雖然台灣早在去年10月13日全面開關，入境免隔離。另外亦已恢復免簽證待遇，其後更取消入境人數限制。但一直還未開放中國人以觀光事由，及港澳籍人士以自由行方式來台，不少香港人一直苦等台灣開關，並不時到陸委會的臉書留言表達訴求。
本台上周四（9日）再向陸委會追問，台灣甚麼時候開放港澳人士觀光自由行，有否相關時間表等問題。陸委會發言人邱垂正回應說，陸委會已經協調相關部會，正積極評估和準備，一旦有結論會適時公布。
有消息人士周一（13日）向本台透露，台灣將於下周一（20日）開放港人自由行來台。本台再向相關官員查詢，並證實將會開放自由行，有關詳情將於周二（14日）對外公布。 至於今次開放自由行是否包含中國及澳門人士，也要留待周二再作公布。
目前，港澳人士只能以探親、探病、就學、商務、宗教活動等方式來台。後來當局在去年11月開放香港人可以「團體觀光」方式來台，並由交通部觀光局核准之旅行業代為申請，每團人數為5人以上40人以下，在台可停留15天。
另外，台灣指揮中心也宣布，如疫情穩定，預計自2月20日起，除了在指定場所如醫療照護機構及公共運輸及特定運具等，室內可不用戴口罩。
冇興趣
呢2年對台灣好感度下降，不過旅行應該都會照去，去哂d日本泰國韓國個堆先
講風景食物，同日本差幾皮，又冇大型主題公園，追星d人去韓國，台灣唯一優勢係物價平，但而家日本都好平
唔洗客氣，繼續封啦
我啲同事勁鍾意台灣. 我就一直以來都係無興趣
無興趣了
一諗起佢個政府狂搬龍門就無好心情啦
等左好耐，有得去係旅行首選。
台灣最多話幫得香港人唔多，但感覺未至於有咩對唔住香港人。如果話因此對台灣無好感，咁泰國呢？
鍾意去台灣，好有風味
但唔去了
台灣 相對日本, 我覺得交通無咁方便 所以我去黎去去, 都係台北多,
食食食, 同埋食
可惜日本限機, 如果唔係呢個月都諗住去多次日本
唔同囉，泰國擺明就置身事外，但台灣當初講到流哂眼淚咁多謝香港人令佢地醒覺又話全力支持流亡港人，呢d借人過橋賤格d啦下化
泰國唔係置身事外，明顯係企係對面，回帶當年：
唔覺得台灣咩都無做過，可以話做得唔夠，但呢個世界「咩都無做過」嘅地方好多，未計企係對面果D，「做得唔夠」應該唔係咩罪過？
就當咩都無做過，咁起碼當初台灣聲明、立場好清晰，係全球來講走係最前。當然可以話佢地為左自己，有好多目的（咁美國都有好多目的），但係目的從來唔重要，黃藍向來係行為唔係思想，從來無思想犯罪。
台灣起碼係一間出過post嘅黃店，就算無幫過忙（which我覺得起碼都幫過少少），咁佢都無企係對面過（依家嘅政府，上次選舉唔計）。某程度上覺得佢「淨係出post唔做嘢」，都係一種鬥黃感覺。
相對來講，泰國應該更加似藍店？唔夠黃嘅台灣，應該都好過感覺藍藍地嘅泰國？
台灣移民政策任搬龍門，搞到一班移台港人曬錢曬力曬心機，唔好講防滲透，人地陸配又冇事。
只係叫做近近地香港或者可以黎個weekend 快閃。但其實就算佢唔開，都冇話好期待等緊佢，雞肋可有可無咁囉。
係法律、道德上面，做一件「壞事」，好重要係在於「意圖」。如果無意圖做壞事，咁一般來講，可以話「失誤」或者「無能」（都未必），但唔係做「壞事」。
如果覺得移民政策搬龍門，咁有無思考清楚佢意圖係咩，或者起碼一個自己會覺得圓滿嘅答案。
如果係為左取得光環，不如直接開曬綠燈，應該取得更多光環，無人會話唔好。正如英國BNO一路綠燈，Nancy連大陸配偶都去左唔少，香港都唔會有人覺得唔好（唔係批評BNO）。台灣如果想「借香港人過橋」點解唔借到尾？如果為左防Nancy滲透（which係一個好嘅intention），咁大家都知道陸配一樣，調轉外國都一樣需要防止滲透。
或者調轉，佢做唔到，唔開門維持返以前移民政策，其實都無咩。
我無法肯定佢意圖係咩，但係起碼我唔能夠簡單summarize「借香港人過橋」、「搬龍門」。
呢件事有可能佢背後有其他意圖（無論好壞），亦有可能係佢執行得唔好（即係能力問題）。但係起碼無足夠證據顯示，佢有意圖對香港人產生傷害，亦唔覺得符合佢自身利益。
如果話台灣做得唔夠5眼好，完全理解，但係如果同泰國相提並論，似乎唔係好公平。
又係你自己提嘅
唔講咁多，總之我就完全唔同意你所講的
泰國參考呢度
我點解提泰國
我呢句意思就係，台灣就算做得再唔好，都唔會到泰國呢個level，所以將台灣同泰國放埋一齊當然唔公平。
泰國就擺明車馬，願者上釣，都叫做光明磊落，台灣呢d叫表面對你好，之後過你一棟，等你錢又使左人又到左先話你滲透我，慘過一開始就做對家
最好佢死跟大陸training
超掛住台灣
日本都正但從來都唔係我鄉下
有時諗佢表面多好野, 但全部建基於社畜制度下, 好似唔知點咁, 有D張自己快樂建築喺人哋身上嘅感覺