咁細個做埋阿媽果份
呢様都係我好大嘅壓力，因為計劃好小朋友升中就出嚟做嘢，而家變咗要再好好諗下點樣，係怕自己體力大不如前
要有心理準備冇得瞓照顧初生bb
大家都加油！
1個讚
好彩你唔使點理細嘅，比較自由，所以冇衍生吾鐘意嘅感覺
呀妹啱啱出世個陣都有唔鐘意，覺得點解父母成日要湊佢，好彩個陣係嫲嫲同工人湊多啲，不過大左有大家既圈子就無咩嘢。
1個讚
我識個畢業生個妹細17年，我哋當年一齊傾揀幼稚園同小學
Btw我哥哥家姐姐都大我10年，當年佢哋都有份湊我，佢哋好錫我，有商有量咁
2個讚
我對仔女相差 5 年而已，但一樣有代溝，細仔好喜悅咁分享自己的作品俾家姐睇，然後剛踏入青春期的家姐好冷淡咁回應，最近呢個情況經常發生
請問你係點樣解決呢個問題？還是等佢地自己慢慢摸索下
呢個唔係相差10年嘅問題，相差幾多歲都有機會發生。
1個讚
我同我最細個細佬相差7年，小時候覺得老豆偏心，都有一齊玩。但越大，大家生活方式唔同咗，就越無計傾。連我嚟英國佢都無送機，不過我又無話唔開心，因為本來大家感情淡薄。
以前識一個同事，佢帶女再婚，第二段婚姻有咗，大女和細仔相差18年。我同事都話大女完全唔會幫手照顧細佬，同feel到佢憎細佬。
1個讚
慘慘
出街更可能比人誤會大女先係媽媽.
2個讚
係，18歲真係生得出
同我 cases 一樣，相差 7年，冇感情，特別各自有家庭。
我個兩個都有少少呢個情況，即使只相差幾年。
不過細個個已經打入大個個嘅朋友圈子，所以重會成日一齊玩
我有個朋友同最大阿哥差22年，同呢個阿哥當然唔friend, 但同阿哥個女（細我朋友4年）就好friend
諗我起我自己
我同我細妹差4年咋
可能因為小學開始屋企成日話「做大要讓個細嘅」，「細嘅唔識大嘅就要教佢」 ，「要同佢分享自己有嘅嘢」等等
咁我就覺得唔理解唔認同 聽得多更加反感
更加唔中意我細妹
唔會同佢分享我嘅食物/衫褲鞋/書/玩具 唔會同佢傾心事（但調返轉我細妹跟本唔介意我用佢啲嘢/同我傾計）
有啲時候都相處到 但童年回憶中多數都係嬲佢問我借嘢 然後我唔借結果俾人鬧 / 明知我唔中意都要偷拎我啲嘢用 然後俾我發現 / 借錢追勁耐唔還
所以我細個成日對我細妹講「我憎你」
到中學大學成家出去行街 都繼續唔中意佢跟住我行 莫講話就咁2個一齊去行街
我細個成日覺得屋企人剩係錫我妹 我妹要啲咩佢哋就買俾佢 但我唔扭計自己儲錢買嘅嘢仲要同我妹分享
最後係去到出嚟做嘢 收入多咗 先好啲 再去到結婚前1年先至唔會再咁樣計住計住 唔同住之後關係再好咗 會多咗傾計 會由衷互傾心事
我真係好慶幸我細妹冇俾我搞到有心理陰影…
我都唔知點解細個咁 可能係自卑得濟 覺得佢搶晒我所有嘢…
我都好記得我媽有講過呢樣，當時我超級反感，同佢嘈交，但好彩我媽之後無迫我讓佢同分享，所有野盡量都一人一份。所以之後我無憎我妹。
同埋我媽有成日同我講佢點錫我，對我好，咁我就唔嬲
所以我諗重點係將仔女睇成獨立個體，同聆聽。
3個讚
我有朋友全家最細
當年阿媽都係意外先有左佢
屋企有兩個家姐
同二家姐都爭7 - 8年
但宜家同二家姐好fd 仲一齊創業添
1個讚
差幾年就岩傾，廿幾年做得佢老豆