想問問大家如果以下情況會點處理。
我今日同小朋友(4歲有自閉症)坐港鐵。小朋友出閘後,我張八達通有問題出唔到去。客務中心喺車站大堂(我身處位置係見唔到)。附近無職員亦無intercom / help bell 。最後我捐出去再同小朋友去大堂既客務中心整返張八通達。
職員知我咁出閘話如果有查票職員,我就會被罰錢,我應該係站內行去客務中心。我話我一個人帶住個小朋友,我唔可能由得佢一個係閘外,我問佢咁我可以點做。佢都好堅持要我自己係站內行去客務中心處理。
我以往都試過類似情況,不過好彩個客務中心係閘旁或剛剛有職員行過幫我睇住小朋友。
你冇做錯
佢都冇做錯
咁佢返緊工著住公司衫唔通叫你捐出去咩
尼D野自己執生
上次見到有差不多情況
個阿媽帶住兩個仔,阿媽+大仔入咗閘、細仔入唔到閘,客務中心喺另一邊,附近又無職員。
最後阿媽叫個仔捐入閘,出閘再搵人整張咭。
其實遇到呢啲情況都幾無耐
試過小朋友入閘後唔見咗八達通
月台職員叫我出閘 落客戶服務中心補錢
唔俾我帶小朋友落去 因為佢無八達通出閘 (咁啱果個站個閘機同客戶服務中心係分開2層)
我問佢會唔會幫手看住 佢話唔會
我再問 如果小朋友唔見咗或者有咩事 係咪你負責
然後佢就用自己咭doo我小朋友出去
而最近 我入閘後唔見咗銀包
去客戶服務中心講咗咩事 佢記低我個名&電話 就俾咗代用票我出閘
我覺得係每個職員手法唔同
有啲唔識睇情況 唔識彈性處理
試過幾次,叫個小朋友沿住邊位行去cs, 我入面行去cs
如果佢已入閘,就企一邊等我,我就一直遠距離望住佢
其實最好你袋定張後備8達通
Lightwriter:
其實最好你袋定張後備8達通
但呢個情況樓主係已用另一張八達通嘟左入閘
如果張後備卡無嘟過入閘
其實嘟唔嘟到出閘架?
2個讚
其實可以用支付寶乘車碼去解決,
上次我出唔到閘,
即時用乘車碼紀錄番上車地點,
就可以扣到錢.
Hallo
2023年02月11日10:55
12
Chibimaruko:
Hallo:
如果小朋友唔見咗或者有咩事 係咪你負責
呢句好,啲職員最叻耍官腔,你大佢就啱
唔係特登想大佢
只係我想知道 如果佢唔俾我親自看管自己個小朋友時 佢又要分開我地 咁中間有事又點算呢
明白小朋友個condition媽媽未必放心俾佢出面自己行。俾我會叫小朋友捐返入嚟再喺閘內搵客務中心,一般地鐵站唔係太大基本上行五分鐘點都會搵到,同埋地鐵有apps可以search到站內措施
至於啲員工,一般都唔好對佢哋有咩expectation,而家好多人做嘢都唔識因應情況去做判斷,跟公司條款答你一定唔會瀨嘢
我會據理力爭,下次遇到同樣事,一樣會咁處理。
小朋友安全排第一位,唔好話4歲,就算8歲,係車站人流多嘅地方都係要睇實自己嘅仔女。
下次同小朋友一起出入閘時,盡量用闊閘機通道,有咩事容易D應變。
Um…可能叫細路捐過黎
我試過一次幫人,係旺角站,非常多人
個媽媽出左閘,小朋友冇,佢2個都企左係到
我咁岩睇住又未出閘,我就話幫佢帶小朋友去客服,佢起初唔知唔敢相信我定怕麻煩我,就say no的
但我話「唔緊要,唔怕,我幫你帶」(語氣堅持)
最後我帶小朋友到客服(有一段睇唔到媽咪既距離)
佢媽媽就堅持我唔洗等埋細路仔,咁我就走左
如果唔係我其實想等埋細路再帶返閘機的
太多事and得閒
system
於 關閉
2023年08月10日12:15
18
該主題在最後一個回覆創建後180天后自動關閉。不再允許新的回覆。