昨日我同BB去街，拖住BB行緊商場
有個𡃁仔，目測3年級左右，得自己一個，迎面行過嚟，特登好快衝過嚟，好大力用膊頭撞落BB度，然後即刻跑走左。
BB成個彈後，個𡃁仔膊頭+書包仲撞到BB塊面。 
撞到成塊面紅左，同埋撞到心口。真係痴鬼線架。
嬲到我丫。 
想鬧都鬧唔到，因為佢即刻跑走左，擺明係惡意既。焗鬼住度氣。
而家d𡃁仔咁恐怖既。
無諗過未返學，同bb出下街都會遇到呢d欺淩問題 
可以請教下大家會點處理嗎？
等我可以偷下師 
感謝
1個讚
佢跑走咗就無辦法，我女bb 時去公園玩俾d 小蝗蝦，我仲要企喺我女後面都照蝦佢，我即刻問佢「你哋做乜？」班仆街老母唔L 理㗎，成班大媽喺側邊吹水。
未走嘅我幫人教仔，有校服嘅我會影低佢去學校投訴，無嘅擺上地區谷到叫街坊小心佢，順便睇下佢老母見唔見到自己個衰仔，驚俾人鬧就遮咗個樣，老母見到死仔包衣著、袋都認得。
7個讚
又唔好話晒所有小朋友，係果個特別衰啫
應該係附近既小學，你認得校服嗎？
我記得以前屋苑有間小學既小朋友特別曳，所以老遠見到佢哋著某校服既學生會小心D
都冇得點處理除非你當場捉到個小朋友（不過就算捉到都係鬧幾句同睇到佢係邊間學校
）
我會響媽媽group /屋苑group 講呢件事好等其他有幼兒行商場小心D咁
2個讚
影相，兇狠鬧返佢，然後攞手機作勢報警，盡做
好似之前有個細路特登衝出馬路,
然後嚇啲司機要急煞車
唔係而家，係以前都有
2個讚
小煌媽只會說 ”他只是個孩子”
6個讚
我樓下都有個咁衰既男仔,我同呀女放學會玩陣夾公仔,個男仔"了"人地部機D公仔出黎,我叫佢唔好咁,佢勁厚臉皮扮到好似識我女咁,跟住又叫我"幫"佢拎機頂個箱落黎俾佢,痴線架,咁細個係咁諗住偷野 
你認唔認得邊間學校？你可以寫投訴信俾校長，小朋友外型係點，書包咩色、牌子，盡量寫清楚，寫埋你聯絡方法，然後親自拎去學校，搵個職員同佢講話係投訴學生紀律嘅信，要求要轉交俾校長！雖然校長唔查到係邊個做，但有街坊踩到上嚟投訴，起碼都會響早會鬧吓人！我好耐之前做過一間學校，聽到曾接過街坊投訴，話有幾個學生響公眾地方大大聲講粗口，只知道幾個都係女仔，有埋時間地點，第二朝校長響早會鬧完，之後每班返入課室後嗰節係班主任課，由班主任接力再鬧過，雖然查唔到邊個，但嗰幾個女仔一定知到係鬧緊自己！
2個讚
報警又太嚴重,
3年級最多得9歲10歲.
最多警告佢兩句.
我重記得9歲果年,
我唔小心撞到個bb,
又係坐係bb車上，
即時道左歉.
果時我都好驚,
Bb媽媽即刻問我住邊,
父母係邊,
要寄律師信去我屋企.
我太驚比左個假地址佢.
之後佢哋話如果bb有咩事，收律師信拉.
我哋細個都係放養長大，
阿媽係屋企煮飯，
叫我哋自己落街玩.
跌倒最多就會講一句：
邊個叫你自己禁唔小心姐，
下次自己小心啲囉.
對住bb都係咁講.
商場內發生算係不幸中最好嘅結果，因為必定有大量cctv影住，但你如果要跟進都有心理準備付出 。
- 立刻報警驗傷，坐喺商場地下等到警察救護車嚟
- 堅持警察落簿調查。現實中有好多人畀警察講兩句就會算數，但其實佢哋有心查一定會查到係邊個係撞你小朋友個家長或者監護人，你要堅持
- 持續跟進
美麗新香港發生嘅事一定會更加多姿多彩，留得喺度就有心理準備硬食
2個讚
警察好多時會講：
撞你果個都係小朋友，
可能佢無心既呢？
你大人大姐唔好去同小朋友計，比個機會佢之類.
一係話比你知，
CCTV壞左咩都影唔到，
叫你留個電話比商場。
整好左再通知你.
之後你再報多次警先得.
（最後都會不了了之）
我試過
1個讚
" 撞你果個都係小朋友，
可能佢無心既呢？ ( 問佢家長，我哋冇需要揣測，我細路受傷依家報警你係咪唔受理 )
你大人大姐唔好去同小朋友計，比個機會佢之類. (我細路受傷依家報警，請你跟足程序，你唔清楚程序而家就去問上級，一係我幫你打上館問大 sir )
一係話比你知，
CCTV壞左咩都影唔到，( 警我依家就要報，file 你就一定要開 ，調查嘅進度係你哋問題 )
叫你留個電話比商場。
整好左再通知你… "
我就會大約括號內咁樣答 ，同埋不斷提醒佢跟足程序，唔需要講太多多餘嘢嘅廢話傾偈之類，攞到報案紙就慢慢同佢哋”跟進”
哪商場? 哪時段? 應寫出來讓行經的家長們有所防範, 或附近街坊影他們然後交給學校以糾正他們
自己小朋友無辜受傷會好嬲，幸好你小朋友無什麼事
當時一定會照顧左自己小朋友先，所以俾果位小朋友走甩都正常
但諗多點，可能果位小朋友本身有特定問題
所以媽媽你都不要再放上心，唔好自責 
1個讚
大部份警察都係咁,唔係話警察唔做野,而係冇人命受傷事情,大家都係小朋友,一句無心或未識稔,自然叫唔好咁計較,各人都知道家教有幾多有幾好.更唔好講小朋友,大人及老年人都一樣,有次在金鐘有條天橋統一中心連過去大古廣場,咁高尚地方,離遠睇到一位好似上了年紀老人家,彎低腰行路右手肩直撞了一位小朋友左胸,那家長及小朋友冇理會直走,見這位人仕望了一眼我小朋友又準備重施故技,差唔多到的時候我拉開小朋友兇了一下他講想做乜嘢,佢即刻健步如飛咁走咗去…所以咩人都有.
唔知道樓主BB有多大,帶咁細小朋友出外,父母照顧小朋友危機意識都要高啲,更何況這段時間疫情及好多衛生問題,BB的抵抗力平衡力都未太好,是否應該唔好出太多街合適?見到有啲父母仲帶BB去爬山去瀑布或玩危險既野,係唔係都要檢討下先?
上次係酒店大堂有個HK女人出手推我個女,之後扮無野走左去,我係後面鬧佢,佢老公仲啤住我 
我一時醒唔起酒店都有CCTV影到成件事
上次我女係酒店大堂俾個HK女人雙手推開,早知我都兇佢話報警啦!
個女人推完我個女扮無野繼續向前行
我99俾小巴司機打到入院，警察話告，咪一樣拖，拖到天荒地老
寫喺街坊群組，提醒其他家長，也可能比佢家長見到。
1個讚