同啲後生傾偈，唔太明白抽水概念
首先林作嗰啲抽水我明白，大家知佢討厭為自己保險，不需討論
但啲後生乜都話人抽水我唔識分：晴天林又話係抽水、蕭生又係、陶傑又係、杜汶澤又係
張婉婷就抽母校水
我問咁係咪個個時事評論都係抽水？佢哋又話唔係，但感覺上佢哋覺得講完件事有noise益到嗰個人就係抽水
咁我問黃耀明係咪抽水益自己音樂事業？佢又話唔係
咁我問黃店係咪抽手足水益自己生意？
宣明會抽貧窮水發展慈善版圖？
佢BNO嚟英國係咪抽水攞國籍？
英文老師抽字典水教英文？
教宗係咪抽聖經水傳教？
佢語塞，黑面唔傾
我唔係嘈交，我係真係唔明點解有啲後生乜都話人抽水
請賜教
簡單來講，你唔認同果個人講嘅野佢就係抽水
唔一定，有d 抽水只係得啖笑。
晴天林、悅和嗰d 咪係
佢話張婉婷拍玻璃之城係抽港大水，拍十九係抽中學水
我話唔計十九個爭論先，咁係咪導演以後唔可以以自己母校為題材拍電影？佢又話唔係
咁搵個中大人拍玻璃之城係咪就得？一陣又話佢冇資格
媽呀我好亂，占士金馬倫係咪抽Titanic死難者水致富？
但佢係爆鬧晴天林囉
所以佢根本冇point，德蘭修女同甘地佢都可以diu㗎以佢logic
我嘅存在係咪抽我老豆精子及我老媽卵子水？
佢可能詞窮，而且對抽水一詞概定義唔清晰，人人講抽水佢又學人口水尾，所以佢成日用抽水一詞其實都係抽緊潮流水
佢哋乜都鬧，坦白講佢哋又冇乜建樹
佢地都係抽緊「抽水事件」水
哈哈，佢話晴天林抽水以音樂人自居喎
咁悅和都係抽完益自己生意囉咁
對住佢哋想暈低，三十歲左右
係囉，佢好明顯都抽緊佢老公水去達到佢婚姻嘅目的
我下次同佢講
我都想講呢個
好多時，我地用字不夠精準又詞窮就會造成溝通問題
要準確掌握對方想法和良好溝通，除了文字，唯有留意埋表情，語氣和手勢等
當然人講我講，口痕友呢啲
不用太上心
總之佢唔認同嘅就一律叫抽水
個人覺得:
響公開既地方(eg social media)
影射/ 暗喻最近好hit 既時事/ 話題去make noise 就係抽水
但我覺得同大眾buy 唔buy 呢個講法係無關
eg 藍店fb 宣傳一樣商品, 都可以透過時事去抽水, 而唔一定網民唔認同
我諗佢哋只係當「抽水」係潮語咁用
我覺得呢個唔係叫"抽水"
最多只可以講攞著數/ 叨母校既光
如果發生左恰十九歲的我事件後
有人拍另一套戲影射呢件事先算抽水呀?
或者 … 個人立場已決定了某件事是不是抽水 (無腦無point一問原因就跳掣面黑既人另計 只要唔合佢心中所想就叫抽水 變左口頭禪)
民賤聯都成日話泛民抽窮人水 … 就當有抽 咁抽一成水 幫人九成 點都好過你班民賤潑 
水 只係關心點樣貪晒富人窮人所有人D錢
我理解: 件事唔關你事, 你又要加把口入黎借題發揮, 目的可能係為左點擊率/like, 就係抽水
呢個啱，但我朋友係覺得所有政評人都係呢種人
而佢講嘅嘢，除咗世界上99%都diu之外，冇任何建樹
喺我心目中抽水係攞著數
