片中小朋友讀書好似好流利….心思思想報
但又諗會唔會係同一本圖書讀咗好多次，所以拍片時錄到好似好流利，隻隻字都識拼。
她說自己課程很有系統，好勁。其實嗰幾個音，有心的話上網搵下資料都學倒哂。letterland 就最易學。
又說自己教材怎樣齊備，但其實係咪淘寶都有齊？
佢以上的講法感覺好虛。講來講去都解釋唔到教法同教材的特色，如何針對學生弱點。有少少覺得佢好似呃師奶咁。或者適合一D真係唔識又唔想搵方法嘅家長。
而且，我最唔想就係拍片同出post ! 俾咁大舊錢，仲要做咁多野，唔值。
如果佢真係有效有方法，係值的。
但如果只係家長自己幫小朋友操練的成果。哪不如自己上網自學再教好過，因為功勞不歸於她，不值。
有無人上過佢嘅家長拼音班呢？想知佢有無料到。
大家有沒有alternative 推介呢
我經驗係買套Usborne或者Oxford拼音圖書, 由淺至深伴讀, 小朋友不自覺就學識拼音讀字.
另加多讀其他不同作者/系列更好. 會令佢理解到自己讀出黎的字係有意思.
你講得岩
佢啲工作紙真係淘寶買到,佢冇咩方法，秘訣就係要家長跟溫習
利申幾年前買左，最大得著係教識我（其實自己都搵左好多資料學，佢啲料basic cvc 就得，進階就完全唔得！所以我睇到一半都放棄左佢），然後自學自教兩個細路
片入面的細路肯定讀過好多次或媽媽背後發力不少，淨靠佢幾版吹水slide就話教完一堂緊係唔得
佢話有專人永久跟，但每日得幾個時段，人又多，要捕住時間爭時段，最後我寧願唔報
小朋友讀得好，係因為細路聽話肯每日溫半小時以上+媽媽10000%跟到足，係一定有，但比例唔多
個人用後感, 重有咩想知
請問可唔可以俾連結？
英文字得嗰 26個英文字母, 44 個音, 大人其實花1-2個鐘已經學識9成 phonics, 根本自己都教到. 得閒同小朋友玩吓 phonics 遊戲, 最簡單開始教 /s/… 問小朋友有咩動物 starts with an ‘s’ sound… snake, snail, sea turtle. 或者 what color starts with the sound /b/… brown, black, blue…
進階少少, 俾個字俾小朋友, 例如 “sat”, 改咗/s/ 做 /b/ 會點讀, 諸如似類… 唔需要真係一個字, dat, lat, gat, yat , 就算冇呢啲字都可以練習發音.
尋晚啱啱先同我2個大啲嘅小朋友玩押韻遊戲， 攞個公仔， 俾個名佢， e.g. Daisy, 睇吓邊個諗到一啲字同 daisy 押韻 (rhyme) 就可以攬住佢, 一直傳來傳去都好好玩呀.
得閒同小朋友撘車排隊就可以玩吓, 玩吓玩吓就學咗好多.
同埋我覺得以英文嚟講學 phonics 真係唔使太認真. 英文太多 exception, 同埋phonics 主要俾幼稚園同一、二年級初初學睇英文書叫有啲幫助, 大個啲根本唔需要呢一套, 甚至太過 blindly following the phonics system 會阻礙佢學英文借用嘅外來字.
首先佢連W都讀錯已經唔會想幫襯。其實邊間都好, 最緊要家長跟足。
原來呢道都開左
我有啲離題，反而想請教大家自己點教
係咪日日讀就得，由vowels同consonants開始，再學組合音
咁埋sight words又係點
我都覺得join乜最後都要靠大人跟進跟足
唔係拎到乜返黎都係冇用
佢呢個課程其實同disney個啲咩書一樣
有跟足點都有啲用
淘寶真係會搵到好多教材
不過唔知點揀
我只教每一個字母的發音, 冇教blending.
但我每日伴讀, 漸漸小朋友自動認得d字母組合的發音.
Tricky words, exceptions, sight words等全部都係由伴讀學識. 從來冇用字卡.
我小朋友約三歲學懂自己拼讀新字, 同時read with meaning and expression, 唔係死認字.
四歲多開始寫簡單兩三句的日記, 對佢來說係有經歷有意思的句子, 唔係做練習.
而家八歲多, 佢英文讀寫能力一直喺國際學校之中高階左一兩年.
好多謝你分享
呢個我都想請教多少少，平時伴讀英文書要唔要中英文雙語呢
我本身有雙語，後來另一半話唔駛咁，咁我後來就冇再雙語，讀書內嘅句子同埋會再同佢講下圖入面做緊乜
定其實都冇咩所謂呢，用唔同嘅講法等佢理解得全面啲
我之前聽人講話太細個用字卡反而對小朋友學習唔好，所以一直都冇用
到佢而家返學，我會用字卡係同佢玩遊戲
聽你咁講都真係伴讀嘅功勞最大
回應返樓主，佢哋個套教法啲人話如果跟足都真係會幾個月能夠拼讀，不過理解唔到字同內容，只係識讀
我覺得人人追求唔同，我都好希望可以好似呢位sis咁，讀音同意思小朋友都理解到
第一次睇新書我會俾佢自己讀, 令佢習慣接觸新書. 之後幾次睇我會一句英一句中對照.
其實對家長來說係高難度. 但小朋友會同時學到較複雜的中文句式同詞語.
真係作用不大
好似第一堂a-z Phonics sound
完全唔fun
小朋友話好悶唔想睇
最後係我自己開來睇咗幾集夾硬聽
放置了⋯
好似要比成萬蚊wo
想知佢所謂的冇系統教材
想知佢話課程提供大量遊戲，但我見家長大部分都再各自買游戲教材卡片。其實佢係咪只係用各家長的idea 當係自己？
我發現家長仲再買好多教材字卡，係咪即係表示佢套教材唔夠用？
我冇報過，我自己教，先教哂a~z嘅發音，之後學聽beginning sound, ending sound,之後教cvc word，先學識以上，下次我再分享。
但朋友有報過，冇用，都係靠家長。
總結，唔洗曬錢。
只係網上搜返嚟嘅嘢
朋友課金買全套，點知小朋友唔受phonics 個套，又無support 比家長點教呢類小朋友。而另一小朋友又嫌太悶。最後個家長就停係度，套野廢左。
約trainer 係好難約，而且見面時間短，如果要指定約到某老師係難既。
想學phonics, 家長有心可以跟補充練習+youtube 學。想學得快就課金出面搵1：1。以上唔得既話，就搵補習社啦，但呢家好既都收好貴。。。
任何語言學習，你想見成效既都要屋企follow up ga la.
即使唔係學語言，跳舞彈琴個d其實都要練，唔付出好難有收獲呀。
重點係討論緊佢嘅教學成效，以及啲老師有冇實力。
如果佢哋無特別方法，不如家長自己上網學，再努力啲自己教。果44個音應付小一程度其實唔係好難。如果家長唔想學，課金
如果照上面嘅樓主講，佢嘅課程淨係應付到cvc，進階嗰啲唔得，咁就更加唔抵。
介紹你youxxxx 搵phonix blocks, 我仔睇呢個自學。
大人有心學嘅聽下歌都學到基本