就黎出發
心情好緊張
執野執到膊頭痛
問題：
我地打算出發前一星期會搵搬屋公司清晒大部分垃圾、傢電
打算留番張床 枱 櫈住多幾日就起飛
床 枱 櫈會留比業主跟手尾
業主如果冇需要用我地傢私
我地飛左後都會找埋數 （佢搵人幫我地搬走傢私）
咁樣做…會唔會奇怪呀？…
有冇更好既方法參考呢
交吉就要吉屋比人啦
你冇按金咩？
唔直接問業主？
大家同意就得啦，可能新業主都想睇下會唔會用得返？
應該要同業主傾好先，唔係自己諗
4個讚
一定要問清楚業主要接唔接受，如果唔係，業主有權扣按金揾人搬走
2個讚
我就問左業主會唔會要啲傢俬先，佢話唔要我先掉左佢，我都係清晒嘢先交吉比業主，最好就唔好留手尾，唔係到時你有可能拎唔足啲按金㗎！
早D交吉，收返按金，出發前幾日搬去酒店住（平貴自己揀），好嚟好去，唔好麻煩到人地。
5個讚
應該預先傾定，唔係你單方面咁諗住。雖然話可以扣你錢，但人哋未必想麻煩要揾人執手尾
我都係咁，最後2晚去酒店
我最後一日搵人清屋，扔床呢啲
請問可以free 出一部分傢俬及電器嗎? 這有助環保和幫助有需要的人
1個讚
如果留比業主，佢唔要，搵人搬走都要比錢，到時係你按金扣，你ok 唔ok先，要拗扣幾多，就無謂啦。
我都覺得係問業主先,
如果佢要, 咁緊係無問題啦
如果佢唔要
-
搵人清床呢D都好平, 同埋好快
1a) 如果想一次過清, 咁留港最尾個幾日就book 酒店住 -
如果想賣走, 最好早一個月post出黎, 比D時間人地叫價 (可能D大形傢俱)
2a) 如果想轉送, 唔使錢, 呢D有人都會收留, 不過有D仆街會玩野甩低放飛機
(最好都只少留半個月啦)
最好寫埋最遲幾時要拎走, 咁就有預算多D (但有D人真係會飛機, 到時要搵人清)
請問找人清屋同傢俬那裡有呢？
我試過揾，好難約的，最後約唔成
佢話完好果啲會捐出去咁話
Thanks
1個讚