日本近日其實都有劇集引發關於未成年人權益嘅問題，呢個導演冇用童工，但就用咗日本舞妓童工學徒制嘅題材拍咗套純友愛劇集。拍得好好好睇，但就畀人圍插無將關注呢種”未成年人”學徒制嘅問題帶出嚟。
引伸到香港嘅"19歲"事件，其實正確可以拍嘅方法我覺得只有抽取各位主人公嘅故事，再搵專業演員翻拍返出嚟。
但係… 用真人好啲喎 ! 係呀，用真人有“絕對說服力”，但你嘅 說服力係 at the expense of your subject，你套戲有咩咁把炮改善人類文明進步咁大不了要去犧牲任何一個年輕人幫你搏取眼球? 講到尾其實都真係只係一套…戲，為票房，為獎項 。得獎項又可以得到更高票房 。商業嘢，完。
咁咪冇人拍呢啲片囉? 我好想睇喎 ! 係呀，你睇少一套片少咗個幾兩個鐘娛樂係咪好傷心呀? 其實我覺得文明社會真係唔應該拍 ，大家都有自己嘅私隱，有唔比人知嘅權利，我嘅理解呢啲係無價嘅。 未成年人根本就唔會識得正確表達想或者唔想 ，你各位照顧者施加壓力落嚟你叫佢點答你 ? (答咗你唔好又話人反叛)
未成年人權益係現代文明先進社會係唔應該有得斟酌嘅，因為佢哋由出生開始已經係Disadvantage，無可避免地畀人(家人/學校 etc)控制整個生活(去邊食咩做咩)，自己或者家人都無 say。所以法律層面會提供另外一重保障畀佢哋，我一路都話過佢哋簽嗰張嘢係廢紙，因為完全係 不 合 比 例，而阿大盜就不斷強調嗰張廢紙，70歲人7歲腦袋， 最終法理情 全部輸曬。
利申，無睇，無興趣