今日係醫院個X-Ray 部門聽到個好瘦嘅婆婆（我估至少有8/90歲）瞓向張病床到，用好柔弱嘅聲音不停咁嗌：「背脊好痛～～呀」
聲線係震哂，
佢叫咗好耐，真係好淒涼，我個心都梗埋。
補充：
突然覺得老人家睡夢中離去亦都係一件對自己對家人都係一件好事。好老實，我真係接受唔到屋企人受苦。
你令我想起蘭桂芳事件，整日電視不停播… 我初中時最好嘅朋友…
無聲，但有畫面！
當年母校走咗兩個舊生… 兩個唔相識唔同屆嘅舊生
1個讚
早幾年阿媽入醫院， 係等上病房時， 見到個婆婆陪住個智障既女兒（我諗都50有多）， 佢吾敢走開， 因為全程係企，因為附近完全無凳， 病人就訓係床， 我叫佢不如係遠d搵地方坐， 我幫佢睇住， 好慘！ 果日我係企係度等左6個鐘我媽咪先上到病房， 而佢地就5.5個鐘。
1個讚
我爸走嗰日係醫院，都聽住有啲病人不斷哀號好痛姑娘好痛。
我驚覺原來人窮，到臨死都唔會有尊嚴。
我冇你咁貪心要睡夢中，我但求快死就得，慘死都冇所謂，最緊要快。
7個讚
我好耐以前住醫院，癌症婆婆成晚喊好痛好痛。
更慘係，姑娘罵佢叫佢唔好嘈，又笑婆婆「佢話痛喎，哈哈哈！」，仲要蝦婆婆樣樣唔俾佢。當時我睇唔過眼幫佢出頭。
8個讚
上年係法國醫院，又係癌症，
阿婆有印尼姐姐過夜陪伴，
－樣成晚喺度叫痛，印尼姐姐都唔理佢，
醫院護士這晚又好似失蹤左，阿婆叫咗個幾鐘頭，
我忍唔住出去搵護士，好快有護士比止痛藥阿婆，
7個讚
所以我覺得一定要錫住自己身體，愛自己如果唔係病咗受苦嗰個一定係自己，錫身
3個讚
有D公立既姑娘對病人係好衰,當年我生完B係產後房,即日個姑娘"訓話"我地話我地唔係病人,個BB有咩事自己攪唔好煩佢地,真心岩岩生完BB都唔會好似平時咁活動自如啦
5個讚
私家醫院護士係成日唔出現架,要打電話先搵到人理,問多少少野就話佢地唔知
1個讚
1個讚
人總有一死，瞓瞓下無痛咁去係福氣。 我去老人科探病時深深感受咩嘢叫活著是受罪。
有時在街上見到啲駝背又堆住好重嘅手堆車搵食嘅老人家，睇個樣都有八十，長壽但無健康又無錢絕對係一種痛苦。
6個讚
好明白依種心情。
我媽媽cancer最後喺醫院嘅日子，會突然間痛，一痛就要叫姑娘拎瑪啡，但始終唔可能即刻有，等藥嗰陣痛到話唔想做人喇
望住至親受苦真係好痛，到現在想起佢受苦嘅情景都會喊。有時會諗媽媽無作奸犯科，點解個天要咁樣對佢？
可以好舒服咁走係好幸福嘅事
5個讚
所以我唔明動物可以安樂死, 但人類連動物都不如, 想有尊嚴地離開再冇用嘅身體都唔得…
5個讚
我當時需要－晚量幾次血壓，嗰晚唔知點解啲護士好似隱咗形。
1個讚
所以我讚成安樂死，不過好似話要好多錢。
5個讚
所以白衣天使係笑話
希望啲姑娘有報應嘅一日
4個讚
我相信邊行都有仆街
但我體諒醫護燥底嘅原因，醫管局英明領導，長期唔夠人手，啲人郁啲就投訴… 唔係話做耐咗就會慣，真係好大壓力。
不過遲啲換晒血，班大劣醫護要收利是先幫人醫病lu，嗰啲就真係死十次都唔夠
5個讚
你太天真
你以為係繁忙嘅姑娘先脾氣唔好
根本得閒到死，啲姑娘都係脾氣唔好
你入到公立醫院你要求佢
佢就會比面色你睇
10個護士，九個半都係為份人工，唔通係因為愛心呢？
4個讚
我都想將來食死得舒舒服服
1個讚
係呀！ 有幾多個德蘭修女
1個讚