HSBC 定期

理財投資
1

今日去問定期利率，好奇怪，職員話要先入錢去戶口，Upgrade 去 Premier，再約見客戶經理至問到利率。另外，如果畀本票去做定期，佢哋話因為要第二日至攞到錢，所以要第二日至開始做，第一日就冇息。仲有，今日講嘅息，聽日未必一樣，要聽日下晝三點半後至幫我做，到時如果個息唔滿意可以唔做。
咁好唔合理，請問大家有冇試過？

2

合理，因為到賬先開始起息，而職員確實冇可能guarantee明天利息冇變，佢係保障返自己

3

Thanks ! 但以往喺其他銀行做都係即日起息，而且唔使先入錢後報利率。

4

我冇記錯支票係可以，即日起息當然可以答實你，但到賬先起息就一定唔會答實你，萬一有變佢點賠返俾你

至於乜乜理財戶口嘅優惠利率，咁就間間銀行處理唔同，可能真係俾返自己熟客唔想周圍揚，你可以試下問朋友

5

以往都係用本票，其他銀行都係即日起息。問咗開票嗰間，佢哋話本票嘅錢係即日過到去。

6

頭先上網睇，條數已入。 :thinking:

7

開票同收票唔同銀行，咁收票有佢嘅policy，以往滙豐係咪即日起息定只係今次唔得？如果只係今次唔得咪問下係咪改左policy

8

條數見到唔代表用得，第2日4點後你先可以郁d錢

1個讚
9

職員話一向都係咁。

10

Thanks !

11

全部銀行都係咁。
要高少少息就要問自己嘅客戶經理。
如果有客戶經理，支票或者本票佢都會幫你即日起息。

1個讚
12

改咗好多年了， 如果有客戶經理佢會幫你酌情處理。

日日個Hibro都唔同，變化都大，銀行職員一定會預先講畀你聽。
好多銀行可能要十點後先至有當日嘅利率。

13

Thanks ! 係呀！其他銀行都係咁，先問息，後攞錢去，即日起息。

1個讚
14

Thanks！

1個讚
15

最初接待嘅職員報一般嘅息，佢話客戶經理 offer 嘅息會高啲，我話我都要知個息係咪啱至決定係咪攞錢嚟，所以佢終於肯幫我問咗客戶經理大約畀到嘅息。但攞錢去之後，個客戶經理接見時冇答我利率幾多，一開始就話嚟緊會減息，跟住就想 sell 我其他嘢，我話只想做定期，我再追問息口，佢就照報番一般嘅息，我話佢同事之前幫我問咗客戶經理嘅 offer，佢就話唔知，跟住出咗去一陣，佢個助手就繼續想 sell 我，最後佢返嚟就話問咗老闆，話可以畀番嗰個高啲嘅息。可能見 sell 唔到我，跟住就搵另一位小姐幫我。
其實尋日講幾多都冇用，佢哋話唔保證今日係一樣，但本票就要入咗先。其實銀行就會講明幾多，啱就即做，所以我覺得大貓唔合理。

16

唔知你係幾時問匯豐？但係呢排銀行嘅利率真係跌得好快。

Screenshot_20230207_094540
Screenshot_20230207_094540540×868 61.1 KB

我所接觸過嘅銀行，全部都係咁樣嘅操作。除非銀行做緊推廣優惠，咁就會有一個定咗嘅利率，吸引新客，或者舊客只要達到一定嘅要求，都可以有優惠。

17

Thanks ! 其實有冇推廣或者啲息係幾多都唔係問題，只要講清楚，息口啱嘅就即日入錢即日做就最公道。大貓呢個做法，啲客就會損失咗一日嘅息，假如第二日嘅息唔啱，又要再嘥時間去搞過。

18

我有一個提議，下次唔好用支票或者本票， 因為你去銀行開本票都需要時間。

可以朝早問定當日嘅定期利率，再用FPS/HKD CHATS 方式轉賬， 錢好快可以轉致另一銀行(當然你要有網上理財賬戶，不過有上限)，如果係大額，亦可以去銀行櫃檯做， 錢到咗帳戶之後，可以即刻去銀行做定期，或者要求RM通過電話進行。

19

Thanks！

20

好奇問，hsbc 定期存款利息係高過其他銀行咩？

我只知佢exchange rate 冇乜競爭力咋。