想同大家分享一下呢個台灣post，講芬蘭嘅國際失敗日，講得好好
咁啱呢一個月我忽發奇想，用呢個“失敗都可以係成就” 去鼓勵自己（因為之前一直有啲情緒問題，死結之類）情緒好好多，生活又積極，又正面
注意，呢個同“失敗乃成功之母”唔同，因為後者仲係好介意成敗，仲係以成功為目標，只係暫時接受失敗。但我係將失敗視之為成功嘅一種
另外係重視過程而唔係結果，人生唔應該係一張checklist，
咁，有冇樓？有冇錢？有冇美貌？有冇健康？有冇事業？有冇朋友？
有固然好，但都唔應該盲目去追隨，應該要感受過程享受生活，每人嘅人生都唔同，唔好去自己，唔好比較
有少許老土，但係真心同大家分享
其實點先算係失敗??
正所謂有得就有失架啦
以我嚟講我習慣睇數字（尤其是後生嗰時）：唔過50分係肥、條腰著唔到25即係粗咗、銀行戶口少過某個數唔得,etc,
好多時所謂失敗係被量化
其實好多野都量化唔到…
為左25吋腰, 又miss左好多美食…
我一直都覺得係，但真正體會到都係最近嘅事，好遲
*身為家長，我覺得仔女有盡力(又係好主觀)就應該接受，欣賞仔女嘅付出。
有好多時大人根本忘記咗自己細個都係咁，但事事要求小朋友完美，都令大家辛苦
我好耐都冇試過唔chur自己了要放鬆要放過自己
人嘅失落來自事情結果與自己預期有偏差。
學會接受自己，接受別人，會開心啲(我仲學習中…)。
我接受到自己做錯野，但老闆唔接受 
呢樣又唔同。
老闆直頭想員工係超人+完美嘅人。
該主題在最後一個回覆創建後180天后自動關閉。不再允許新的回覆。
