我呢就唔想要個膠袋嘅，但係佢哋公司會pack貨入落個膠袋度再送貨，咁就要個客比多$1，好似有啲屈機
我訂得最多會入膠袋嘅貨係1.5L裝嘅茶6枝，會將6枝茶入落1個大膠袋度，但9L咁重個膠袋都承受唔到，好多時個袋茶嚟到膠袋已經穿咗，我想再重用都唔得
未徵袋膠錢前我已經覺得咁樣pack貨唔好，而家要比多1蚊更加唔順氣，不如用封箱膠紙困住啲茶咪唔會散開囉
我都見個email呀 但係好confused
佢地不嬲都過度包裝 有少少俾佢 撳住嚟搶 嘅感覺
2個讚
上星期二網上買嘢，唔係極速送，都已收咗我兩個膠袋錢（一個裝一包洗衣液、一個裝幾樣凍肉）
佢件事處理得唔好，只係公關問題，平時買一單都要幾百蚊，收多$1-3好少事，但係叫膠袋嘅話，香港人收平唔覺，被人收多$1會感覺受到好大委屈，各種渠道投訴。
我地無咩感覺，每星期係HKTV買嘅食物，一樣都比舊年平左起碼$10，同時出面D嘢加左好多。不過理解呢單嘢從商業角度係處理得唔好。
黨鐵二月先加完價，每程大概貴多$0.5。HKTVMall相對好多大集團來講，無咁同香港人對立，唔會因為每單多$3覺得咩。
1個讚
我都覺得無問題，買夠二百蚊都已免運費，350仲送上門，當買個膠袋用嚟裝嘢囉！佢哋唔收膠袋錢，無膠袋，到時啲嘢撞爛咗、散修修整唔見咗仲煩。
1個讚
唔太明點解一定要用膠袋，然後又迫我一定要俾膠袋錢，感覺真係好差。我原本每個星期都會上HKTVMALL訂屋企用品，宜家寧願自己去超市買
1個讚
我地屋企自己唔係好care果$1-3。例如我地成日買日本無激素雞槌依家$50/KG，出面大概要$70-80，唔可能會理$3。
但係佢起個名叫膠袋費，香港人係習慣膠袋費可以有辦法唔比，所以果$1-3好大件事，呢個係佢考慮不周。事實上出面好多商戶好多費用，都無咩意思，例如食飯收+1、開瓶費，飛機燃油附加費、電費燃料調整，都只係個名，遠遠多過$1
2個讚
講真佢收你個幾蚊，好明顯為政府policy而做，佢冇做被政府捉仲煩
但佢真係平同方便，我會繼續幫襯
4個讚
見佢封 email 有話轉用蜂巢紙皮，會想知佢係咪真係推廣到轉用。
轉到，固然值得支持；轉唔到，好易俾人覺得收貴咗。
呢個費用係正府強制徵收，唔係佢哋公司自己起個名出嚟
問題在於佢哋公司pack貨要用膠袋，而正府強制比膠袋客人就要收費，所以佢哋一定要寫明係收膠袋費
係呀，每次拆貨之後，我都要將啲包裝拆開分類回收
我都明白包得唔好又驚啲嘢整爛，包得多又唔環保，真係好難做平衡
佢點解唔學萬0咁，將啲貨品pack落一個紙箱？個客嚟門市拎，職員就喺房拎出嚟拆盒逐件scan code，盒唔要佢會幫你處理。
hktvmall又貴又過度包裝，例如某去角質凝膠，佢官方店買$29，某連鎖店$23。Dxxe洗頭水貴某連鎖店差唔多一倍。
一個無民主既地方，學人講環保，真係要多謝D 環保撚。
正虎政策一定係玩9普羅大眾
2個讚
咁唔要膠袋得唔得？
如果要收錢應該比人揀要定唔要囉！
1個讚
係囉
我出街買嘢俾一蚊要膠袋 係為我自己買方便
但HKTV mall 佢係為佢方便包裝 但又將個cost轉落消費者度
What if 我真係唔想用呢啲膠袋呢？
我都認同你 好難做到平衡
但佢就咁一個email話收錢 而又唔講得清楚啲 感覺唔太良好
2個讚
我見有批評話佢屬於豁免？不過我都搞唔清楚，依家D規定好混亂。如果係規定要收，佢都無辦法。
但係過度包裝、環保問題，條數其實唔係咁容易計。首先強調我都希望HKTV可以盡量減少包裝，亦都主觀同意現時香港網購都會比店用多左包裝。
如果真係要比較，其實有好多數要計。HKTV係本地網購裡面規模最大，佢送貨基本上都係滿車一轉。相比起小型網購，貨車汽油效率會好好多，更加唔好講電單車即時送貨。呢個相當於巴士同的士嘅碳排放分別。
同其他網購比，HKTV包裝多一部分係因為佢集合左好多間店。（如果你淨係買同一間買$350，佢包裝會少好多）如果呢D店每間分別自己送，包裝可能用少左，但係送貨汽油會用多左（未計成個社會多好多車隊）。如果每間店自己用順豐之類送，你買到咁多間包裝都唔會少。
同實體店比，網購本身包裝都比較多。但係背後好多其他消耗只係消費者睇唔到，例如維持一間實體店，要裝修、擺設、貨架、傳單、清潔、耗電（冷氣、燈、防盜、收銀），而且實體店上貨一轉運輸，消費者購買之後另一轉運輸（部分人可能私家車買嘢）。如果開一間網店，由貨倉直接到消費者，包裝多左，但係減少左實體店所有消耗。（因為實體店都要貨倉入貨）。HKTV凍肉直接係大型冷凍倉出貨，其實比起超市/凍肉店小型雪櫃（有D門都無），用少好多電。
所以環保呢條數，唔係唔應該做，但係亦唔覺得係咁簡單。如果單純你唔想見到咁多包裝係你度，呢個只係環保贖罪券。我認為呢個準則應該係，有同樣代替品嘅時候，盡量考慮環保問題，尤其減少不必要嘅浪費。例如步行/搭大眾交通、買飯唔好買剩、關好水喉電燈、無必要唔好print。
至於網購，同實體店嘅體驗已經係兩樣嘢（即係搭飛機去日本唔會可以搭船），唔能夠同樣比較。亦唔覺得HKTV無作出考量，例如買凍肉嘅紙箱可能係本身裝零食，佢應該係商戶來貨重用。而且從來無人對淘寶有同樣要求。
至於膠袋徵費，唔覺得對環保有好大分別。大家都知道用本地嘢會減少碳排放，好難覺得如果香港唔希望保留一D本地製造工業，可以有幾環保，何況仲有喵坊。
8個讚
我試過係門市取貨，好似係"大街市"用膠袋裝貨，因為都好多野，職員叫我取起D貨，否則要比1蚊，好彩當時都無咩人，排隊比1蚊都有D煩。
環保？
就唔會建啲只係住 五年 ，就要拆卸「簡約公屋」，
5個讚
我都唔知徵果1蚊膠袋錢會對環保有幾大貢獻，成日話源頭減癈，根本就係射返個波比市民，環保回收果part就做到一pat屎咁，環乜q保
6個讚
我啱啱落左單，竟然冇收喎