我個仔4個月每日5餐 頭4餐每次200ml 到夜晚12:00Dream feed會食100ml 前幾日返健康院 姑娘話我喂得太多體重已經跳咗兩條生長線 7.1kg 佢叫我夜晚12:00唔好喂 要瞓就由佢瞓 但我個仔好瞓得由夜晚9.10點會瞓到第二日8:00 而且唔會扭奶 但我又怕佢會唔會瞓太耐血糖低 我都唔知喂唔喂好？
血糖低？會唔會過慮。護士係專業人士，信得過啦
1個讚
咁請問我係咪應該唔需要喂夜晚嗰一餐由佢瞓？每日食800ml都夠？謝謝
bb能自然介夜奶有何問題？
其實姑娘都講得好清楚，而且阿仔自己都想瞓，你擔心啲咩啊？
四個月唔駛怕血糖低喇
我都不知幾想可以咁早戒到夜奶
因為係第一胎 個人好焦慮 差唔多去到要睇精神科醫生 我怕佢餓又怕佢食唔夠 樣樣都擔心 情緒好低落
明白，新手媽媽係會緊張啲嘅
姑娘咁講，其實都係對你嘅肯定，唔使驚餓親阿仔啦。
同埋都要相信小朋友，佢如果唔夠食，一定會有方法比你知嘅！
我都做過好緊張嘅媽咪，直情每晚用手指去探下BB鼻息睇下有無呼吸添
而家啲小朋友大左，笑我好無聊
2個讚
由得佢連續訓耐啲先好呀
你bb好乖好好湊
喂，一樣啊
好似啲古裝劇咁樣
3個讚
唔洗擔心，你湊得好好
Bb肚餓自己會嗌，你想比少啲都唔得
所以如果佢訓到唔食，唔洗叫醒佢！
補充睡眠都好重要，講緊你同bb！
你都唔洗精神緊張，放心休息！
第一個bb係會特別緊張，自己提醒自己深呼吸，叫自己放鬆下
1個讚
仲有咩擔心？分享嚟聽下？
800ml 4個月人仔過多添啦
太多啦 瞓得多我又擔心瞓得少又擔心 怕佢每日食得800ml太少影響佢生長 搞到同老公關係都差咗 4個月都放鬆唔到自己 其實都明白係我過分焦慮 但我又真係放鬆唔到 我自己都唔知點好 ？
我兩個小朋友都咁做。呢啲真係做媽媽必經
2個讚
4個月飲 800ml 真係太多，放鬆心情，唔識湊，就跟下健康院姑娘指示，有冇人幫你手湊BB呀？4個月基本就食飽就瞓，每日起碼加加埋埋瞓20個鐘以上，BB唔夠飽就會喊，夜晚瞓左就唔洗整醒佢食奶，等佢一覺天光。
如果訓到唔搵奶，梗係唔餵啦。。。
而且護士都咁講
我兩個小朋友細個時我又係咁緊張（係，仲要第二個更緊張），到而家會覺得做乜個時唔好好享受佢地咁可愛嘅時光。
我明白好難放鬆，我老公個時話與其你咩都諗一餐，不如諗下點教或者睇下買咩玩具/書甚至plan下上咩playground 咁樣會來得積極啲。最後我覺得呢招幾work嘅
全職媽媽？會唔會有人幫手？
第一胎係會緊張啲，你知道自己太緊張焦慮已經係進步嘅開始
媽媽真係要學識放鬆架，而家暫時做唔到住唔緊要，你都係做左4個月媽媽姐，賀爾蒙都有好大影響，我生完頭一年都覺得未完全正常返都係一路叫自己慢慢黎，細路越大個慢慢就好好多，雖然有其他野煩，但都知分寸
做媽媽有排學學到老都仲學緊，你可以叫信任嘅人提你，同埋自己知道今次緊張左，下次同類型事件就學識平常心一點
慢慢儲儲下就會知道點放鬆喇
同老公關係差左係正常，因為岩岩生完個人緊張，又唔夠休息，唔夠時間精神心情維繫，有啲男人比較遲開竅，就算佢識幫手都未必真係明白你做母親心態，大家都要識體諒嘅
你要搵機會大家傾下偈架，唔好掛住湊bb，雖然bb係好重要，我都放bb第一，不過都係要知分寸，俾老公知道你心有佢，只係bb岩岩出世，真係需要大人照顧
同埋你都要留意佢會唔會有產後抑鬱，男人都會架其實，即係可能見你成日咁忙突然間唔多理佢，可能想幫手又好似成日俾人話或唔識點幫手之類，經歷得多佢都會有啲懷疑人生，開始沉默/逃避，我係隨意講少少例子，絕對唔係話你哋係咁，希望你會慢慢放寬心，同老公一齊捱過頭幾年
兩公婆係家庭重心，你地感情好，bb係最大受益者
加油啊
3個讚
我自己湊 不過我老公會幫手 佢好好包容咗我好多癡線嘢 就係咁先明白自己有幾癲 我會學習放鬆心情
1個讚