後生女想住村屋咪試下囉，小心揀就得了
結咗婚就多限制
1個讚
去元朗小巴好密，兩三分鐘一班車，可以揀去元朗轉輕鐵去西鐵站，我諗廿零分鐘左右
巴士去西鐵站就梳啲，十幾分鐘一班車掛
但行唔到去西鐵站，係好遠架
我住果度車位就係屋出面，但棟棟樓都唔一樣，你要親身去睇吓環境先得
1個讚
住村屋2000養到嗎 我仲諗住冇咁平 因為租左既話 我用車就會多左
如果唔養車就可以比多d出黎租樓既 我係想試架 你都睇得出我啦
如果妳d朋友個個星期話黎妳度bbq 之後洗到隻狗咁， 妳好快就吾想人地黎！同埋多吾同國際人士住較雜亂， 又無保安， 又一個女仔出入， 都要留意下
我諗爛地停車場應該得，但我都唔熟。
10-15分鐘行到我就接受架 起碼搭唔到車時都行到出去
我都覺得一年最多只會想叫朋友上黎兩次bbq但樓主似真係好想試，同衰極一年之後都可以搬既，應該唔試過唔心熄
同都可以睇下啲youtube片，記得有對kol couple都係本身住村屋養車然之後搬返出巿區。
1個讚
好的 明白始終要自己親身去睇先
試啦，我一直冇住村屋，不知幾恨
人一世物一世，做乜都有人話危險㗎啦，咁大個人照顧自己好應該
根本大把女仔都住，揀得啱就得
2個讚
我係比較擔心有南亞果d 要安全首要
如果住太入佢地講話唔會成日黎 到時先知 要幫我執好晒先準走
Exactly
1個讚
我有睇幾個kol 住村屋 有市區搬入村屋都有 似乎個個心態唔同 有一個親話住左村屋返唔到轉頭 有d又要搬返出市區 始終個個接受能力唔同
1個讚
你都岩架 人一世物一世 唔想老左先後悔 租之前自己要了解下附近環境 咩人出入多 我自己有時收工夜 都怕黑
1個讚
好的 我留意下
我住過元朗同上水嘅平村屋，真心唔好住。
啲人好悪，同埋大部分都唔俾你養狗。
2個讚
西貢好似都好多選擇，唔知好無住呢
兼且嗰個多外籍人士住，我諗應該少啲村霸問題
1個讚
咁真係要睇彩數 要晒時間了解左先
西貢貴呀 我都想
元朗治安真係差咗好多，
危險在於好快附近有人會知呢間屋淨係一個女仔住，會爆格
或者夜晚你自己一個返屋企，都真係會驚
如果你budget上面有限制，會唔會考慮限女生夾租？
利申: 熟元朗，未試過夾租
1個讚
你咁講我堅驚 好快會知道得一個女仔住
我有朋友都係住元朗村屋呀 佢有講過想同我夾租 原因都係同屋企人唔岩 佢屋企有層村屋比佢一個人住都唔要 我唔知幾羨慕
我同佢好夾 但始終怕相見好同住難