馬田村無車唔太方便, 想方便D可考慮藍地/屏山, 不過唔知你budget幾多, 村屋都可以幾貴
1個讚
一個女仔，住樓安全啲。住村屋夜返都唔方便，又比較危險
2個讚
租金直接就係方便程度 我只可以租1萬留下既盤 應該難d
住開市區，不如揾返乾淨企理既市區單棟樓，有啲套房面積都有180-200呎，7xxx至八千蚊。
佐敦文英樓嗰邊都有呢啲價錢套房
要返工，瞓多一陣，交通方便好重要
業主角度，如果你願意先交半年至一年租，租金好大機會有得傾低啲。
3個讚
我誤會咗以為你想有空地就咁泊車，通常泊到車嘅屋前吉位都被霸晒
車場就要俾錢囉，不過會平過出面停車場
唐樓都有安全問題喎 
同埋有lift都可能偏細要留意傢俬搬運問題
岩既 我返工時間唔定時
我娘家向大棠果邊，個人覺得都幾好住
附近就係大棠山，閒時我屋企人都會去行吓山，但紅葉季節真係超多人湧入嚟
附近仲有個菜園，有時會入去買菜，啲菜係新鮮向土度掘出嚟
夜晚附近都多人放狗，唔算好靜
搭車就有小巴+巴士，巴士去到西鐵，預廿零分鐘左右，小巴去元朗就十零分鐘
去西鐵站係比較遠，但近元朗市就唔會有大自然嘅寧靜，呢點要取捨
租車位好平，幾舊水
遇唔遇到村惡霸就要睇彩數，我哋住咗咁耐都同鄰居相處得幾好
蛇蟲鼠蟻做好心理準備，係一定會有
屋企保持乾淨同裝窗網，入屋機會就細啲
搭咀、等輕鐵好浪費時間
1個讚
有睇呀 文英樓果邊平呀 返工仲好方便
幻想
1個讚
免費泊車都預左冇架啦租到平車位算好啦
第一次租屋好多野唔識 攞唔定主意 唐樓搬運就知道會貴d 但一次過就算啦
如果你唔嫌麻煩，可以揀一啲雜姓嘅村，但係通常都會再入啲。雜姓既村比較少惡霸，我自己住村都住咗25年（非原居民），一直相安無事，冇人恐嚇冇人搞事，最近有好多後生夫婦同後生家庭搬咗入嚟，一個月搞幾次gathering，好happy。大家輪流煮飯，食到好多唔同菜式！
1個讚
我自己覺得、租樓都係簡市區啦、時間上冇得輸。
我好多年前自己第一次搬出嚟住都係簡村屋、又係錢唔多貪平、已經好好彩、唔多蛇蟲鼠蟻、鄰里又算唔錯、但真心出入時間真係好浪費、搭的士出入又係錢。
呢傢住市區、真係返唔到轉頭。
1個讚
等小巴去西鐵站班次密唔密 多人等既話 行出西鐵站得唔得？車位咁平近唔近租住地方架？
但你有budget租車位養車，我都覺得住樓好啲。有時自己住想叫朋友黎，都易啲。唔會太遠唔想去。
1個讚
要取捨架啦 係交通上
村屋又可以bbq 好開心 個人都冇咁抑壓 畢竟我由細都住市區 未住過新界
你住開村屋 所以會鐘意市區 我朋友又係住開村屋 想住樓 我係自己冇果樣又想試下
如果住返出村口 價錢都唔係平
住樓都得架 考慮緊 車位點都平過市區呀
我住緊市區車位都接近4000 同埋出入方便先冇再養 住新界就會養返 我朋友住元朗 想搵盤近佢
姐係你住樓budget其實係9000(below 10000)+ard2000, 然後村屋就係9000+ard2000養車。
我覺得11000住樓有好多選擇，不過我諗你都會想試左村屋先嫁啦租既最多都係一年死約，都可以試左先
1個讚
除咗輕鐵之外，仲可以搭K65, 綠van去天水圍西鐵或者出元朗。再唔係行去西鐵都係10-15分鐘左右
我有朋友住馬田同塘坊村，我覺得塘坊村方便少少
1個讚