今朝個女一直係到扭計，一直都氹住佢，同佢換衫，未換完又要扭出去廳玩
扭扭下係度喊，可能我瞓得唔好，喊到我恔曬，之後我好大聲好惡咁鬧左佢兩句
叫佢唔好再喊，佢可能嚇親，震左兩下，之後要我抱，唔肯落地
其實我一鬧完已經後悔，唔想咁惡鬧佢，所以我都一直氹返佢，同佢講對唔住
唔應該咁大聲話佢，但見佢仲係dup dup地咁，可能真係嚇親，因為我基本上冇鬧過佢
而家覺得好後悔，唔應該發咁大脾氣
3個讚
呢啲事我日日屋企都發生, 第一次大聲鬧完之後會好後悔, 覺得自己可以做好啲
但係都要明白大人都會有情緒, 驚個女遲到果種急, 再加處理佢情緒係好難
唔知係咪破窗效應, 而家鬧完冇咁內疚, 接受左自己能力處理唔到呢件事
最重要係事後要同佢講返原因同道歉
3個讚
如果講左對唔住，又氹返佢。
隔15-20分鐘俾佢消化下先
之後引導返佢講佢既感受。
例如 夜晚臨瞓前傾返今日媽媽咁大脾氣，你覺得點啊？
你估下點解媽媽咁嬲？
再講返媽媽唔岩，下次如果發生類似情況會點處理。
同小朋友有個共識後，雖然下次佢未有會so你，但試左幾次就出現一個有共識的處理方法。
利申 鬧仔/女好難免，我都試過，有時鬧到自己都喊，恨鐵不成鋼，皇帝唔急太監急
2個讚
女仔鬧完都有羞恥心，下次會改，起碼會頭dup dup ，唔犯同一樣（但會衰另一樣
)
男仔多數鬧極都保持初心，仲笑笑口，當你唱歌，每日都衰同一樣。
做媽媽心很累，未做媽媽前都唔會咁大聲講嘢，好lady ga嘛。（唏噓嘆氣中……）
8個讚
係，但都唔想鬧佢咁多，因為我細個都俾老豆打到大，鬧到大
到而家大個左，同雙親關係都麻麻，
所以唔想咁對個女，想俾佢開開心心，唔好好似我咁嘅成長環境
2個讚
幾多歲？
有時情緒去到太高係人之常情，唔洗太責怪自己！
最好係一齊做個反醒（定省？）
同佢講「媽媽唔想大聲鬧你，你驚唔驚？其實媽咪鬧你自己都唔開心！我希望你下次要點點點，我下次記住唔好咁嬲，但你都要記住唔好激嬲媽媽….」大家抱返，錫返
2個讚
我成日都爆完即時後悔，但好老實隨住啲仔女長大，鬧完見佢哋仲係不痛不癢咁，內疚感變得越來越少，但又會因減少內疚而更內疚
4個讚
我係爸爸，我老婆平時都會鬧個女，但個女都唔驚，除非鬧到好甘
同埋每次媽媽鬧，個女都會搵我，知我唔會鬧佢
所以我老婆都會叫我入房，等佢教，我都同意
但今次到我忍唔住鬧左佢，所以驚對佢有影響，影響佢情緒
因為今朝明顯feel到佢真係驚到震曬，可能覺得我唔會咁惡鬧佢
我係做醜人嗰個角色
咁我明白你女點解咁驚，因為平時爸爸係好人，連你都出手，佢就知道大鑊！
通常我話到最後，都仲feel到佢聽唔入耳，我會補一句再唔聽，我就叫爸爸嚟。
為左令到個場面無咁僵
我多數平時會講定比個女聽
你乖，媽咪係唔會無啦啦鬧你嘅
不過，你唔乖嘅時候，媽咪會變怪獸ga
到我真係想咆哮時就會節目預告佢知
拿，我要變怪獸喇
然後先爆鬧
等佢有個心理準備
(雖然都有時會比我鬧到喊，但好快無事，事後問返佢都知衰)
衝突同情緒難避免
我成日講阿女，小朋友naughty 係正常，咁相對，媽咪會嬲都正常ga
小朋友第時出社會都會面對
事後比個攬攬同平時傾返
教識佢點面對就好
1個讚
喂，你識我個仔㗎？
我個仔都係咁
2個讚
我哋個仔都係同類。
咁耐以來，我只見過一個係乖仔，自己食完飯先做功課，安排好時間，唔使家長操心。
其他都係甩繩馬騮
2個讚
我係長期對個女咆哮
其實我有學過parenting styles，入面講到父母如果能夠做到恩威並施，對小朋友嘅發展係最好
即係當小朋友曳嘅時候，要有適當嘅責罰；乖嘅時候又要有適當嘅獎勵
所以我覺得對小朋友有少許責罵係可接受，重點係果件事小朋友係咪應該受罰，同埋受罰嘅程度係點
可以參考下呢個圖
6個讚
Same 雖然我都係俾人鬧大打大，同阿媽關係唔好，但佢鬧我打我有大部分係因為發洩，同我鬧女嘅出發點唔同。
每一次我都嘗試同佢講咗先，第一、二次唔聽，就要咆哮先聽到。
只係教緊個小朋友，要佢記住自己做錯咩嘢。
長期對女咆哮×2
我都想有賞有罰，但做得唔好點賞
叫親做咩，第一句都係「唔要、唔好」
每日鬧嚟鬧去都係唔執玩具，唔肯沖涼，唔想瞓覺
以前睇過一個post, 個小朋友未做，就要讚咗先，點讚用咩說話讚又要有技巧，我覺得好痴線。
第日出嚟社會有邊個會咁對佢？
3個讚
我覺得鬧係睇小朋友年紀， 1-3歲鬧佢都吾明。 大個之後鬧， 係要講返點解要鬧佢。
1個讚
有冇研究下佢點解會唔要、唔好？
會唔會係有啲需要未acknowledge到？
小朋友幾大？
你心目中係點樣為之「做得好」？
好朋友