係咪可以獨立做到蒸、焗、氣炸？？效果會唔會比獨立一部單用途機有分別？無論係效果、事後清潔…有無用家分享下？
假設我目的係想慳位主因，買呢部機去For一人用，會唔會好浪費？(已有氣炸、蒸爐、焗爐無位放搬屋時掉左)…
同埋係咪一買就要買幾千以上既先叫用得下？
ps: 同埋係咪無微波功能？
p記平平地千幾二千幾已有
好好用
1個讚
要睇你多唔多用,一個人可以買細部啲
事後清潔用咩機都要啦
我地一家用得好開心,不過焗同氣炸基本上都係同一原理
蒸焗爐又可以有蒸焗mode,我覺得好用過焗爐
1個讚
好好用, 不過蒸魚一定明火好D
我有齊Miele 最高級系列 68XX / 78XX 焗爐/蒸焗爐/純蒸爐。我敢講幾款爐各有優點，如果有地方放，應該要獨立存在。
先講蒸爐，好多人覺得有蒸焗爐就可以唔要蒸爐。我買左部DGC7840X蒸焗爐 [試用] Miele頂級 DGC78XX 蒸焗爐 後，半賣半送 部DG6800 純蒸爐俾朋友新居入伙。E家勁後悔，雖然兩部機都係3千幾W，但部蒸焗爐只有2200W for 蒸氣，之前部純蒸爐 係足3300W for 蒸氣，加熱速度快勁多。純蒸爐因結構設計，用完抹下就乾 ; 蒸焗爐有時要 開乾燥mode 烘乾部機，晒電晒時間。。。只要你部蒸爐夠勁，蒸任何野都比明火好，熱功率可以大過明火爐，溫度直接調校，高級機有食物探針可以測量食物核心溫度，部機自動烹調。。。
取代焗爐，真係no way. 清潔方便輸十條街，我部焗爐H6860BP，開熱解清潔，3個幾鐘後咩油脂都無晒，焗爐 高温熱解清潔 示範
。部蒸焗爐就算用原廠專屬清潔劑，人手攪一個鐘都係比唔上熱解清潔效果。另外都係功率問題，焗爐全3700W 對蒸焗爐功率左分右分，加熱時間又輸。
蒸焗爐當然有好處，如果唔係要求高，一機走天涯，咁一定慳左位。另外，有D 食物濕焗 係好食過乾焗，即係使我部純焗爐可以加水自動加濕，整叉燒/豬肋條 都係蒸焗爐好食D。
7個讚
明火好d？有無例子？
因為我一直都係電蒸籠或用電磁爐加蒸爐去蒸野，好耐都無開個煤氣爐 
焗同氣炸同一原理？
即係如果我想用番傳統焗爐模式去焗麵包，係無呢種功能？只能氣炸"焗"？
你可以睇吓啲介紹文,依家都有啲焗爐有氣炸功能嘅,蒸焗爐就唔知啦
但都係用熱風吹乾啲食物,所以原理差唔多
聽你咁講，可能我都會接受到(但又未即時可以決定放棄現有爐具沖動)
未用過你之前用過果兩隻，咁高級純蒸爐同焗爐，所以無比較無傷害 
(一直都係用幾舊水既電蒸籠同電磁爐頭，焗爐就又係幾舊發熱線果種)
蒸魚要明火先夠力, 唔會OVERCOOK, 蒸焗爐低溫D所以要蒸耐D, 冇咁滑