老公放工返嚟會打遊戲嗰時，輸咗會發脾氣講粗口
同佢講咗幾十次，唔好喺個女面前咁做
佢都唔改，搞到我現在好驚佢返嚟
又開始瞓唔著
可以點樣？
叫佢自己入房閂埋度門打
4個讚
當然講咗啦，佢唔會睬你
喺個小朋友面前訂嘢，講粗口
我老公都會咁，唔知係咪佢地咁大壓力需要咁樣發洩。
不過樓主，轉一轉個方向諗，有個途徑俾你老公發洩情緒壓力係好事。
或者嘗試趁哩個機會教你女女，爸爸生活上有壓力需要咁樣黎發洩，如果第時你都遇到壓力嘅時候希望你都搵到屬於自己發洩嘅方法。不過哩啲講粗口掉野哩啲最好就自己匿埋一二邊做，唔好影響到人就最好，你睇，好似你爸爸咁樣就會突然嚇親我地啦～
6個讚
講粗口呢樣嘢，唯有教你個女呢啲說話小朋友唔可以講。講真，粗口你老公唔講，出到街都有其他人講。我仔仔3、4歲就知粗口係乜，但我教佢唔可以講，所以佢有時晌街聽到其他人講，佢會話「媽媽，佢講曳曳。」我會應佢「係呀，你細個唔講得曳曳。」
不過我個人比較在意一個男人打機打輸咗就拍枱拍櫈囉。壓力大就可以拍枱拍櫈嚇親屋企人咩？
3個讚
我打機差少少輸咗過唔到，頂多細細聲 shit/damn/屌 ，之後就唔打做其他嘢，有緣嘅話自然過關，我打機都好佛系，你老公真係覺得難打，不如建議佢關門打，佢又攪唔到人，人哋又攪唔到佢，專心啲打完早啲收工唔係仲好咩?
我知實有人想叫啲男人打少啲機，我以前聽過心理學講座，講打機，男人天生係鍾意 adventure 探險，而打機係令人有成功感。
男人在錢銀女人上得到滿足，係好少好少會迷打機。如果事業一般，女人又感情一般，唯有去搵樣興趣令佢有滿足感。
3個讚
似乎係奈佢唔何，你再同佢講，遲早鬧交。
諗吓點樣（盡量）唔影響小朋友。
樓主應該唔係介意老公打機，
而係介意老公成日係仔女面前講粗口。
你老公爆粗係一兩隻字定炒蝦拆蟹好難聽個啲粗口?
如果爆得好難聽，可唔可以係佢打機前同佢講，要爆粗都爆得斯文少少，爆一兩隻字就好。
[男人在錢銀女人上得到滿足，係好少好少會迷打機。] True!!
小朋友面前講粗口仲有得教，掟嘢不能接受！
如果連柄埋自己入房打機都唔肯，呢個男人就真係 EQ 低兼夾自我中心到不得了，完全唔將家庭關係以及孩子嘅教育當一回事，係突登，甚至乎盡量做好少少一個爸爸嘅形象都唔在乎！
3個讚
無主老公應該唔係好控制到自己
好奇打咩機？
該主題在最後一個回覆創建後180天后自動關閉。不再允許新的回覆。