樣樣都話做唔到，轉工左諗右諗，講緊本身份工做耐咗，唔開心，咁啱有大公司請人，搵agent approach佢，都左諗右諗，樣樣都要101分先郁，世事唔係樣樣咁完美，而且你未試過你唔知會點。
我哋係外國，今晚我只係話想公司出差完，係個個地方買啲香港食物返屋企，要搭半個鐘車，之後再搭火車返屋企，佢即刻話買完返屋企都食宵夜，又話火車唔係你去到就搭到。我話我會睇火車時間，返到屋企先係8、9點，佢一味潑冷水。我心很累。
2個讚
我明，我老公有啲方面都類似，成日要好多條件配合再加上要我游説一輪揾埋料俾佢先會肯主動去試下，有時都係唔肯試，因為佢好怕又要適應新嘢，咁我而家就由得佢，只要佢一直肯工作就唔會俾咁多意見佢亦唔會自己勞氣
1個讚
係有時好無引。 我選擇係吾會問意見， 自己想做就做
3個讚
你試吓同老公傾下。可能佢自己都唔為意自己係咁
我同你調轉，係放負嗰個，因為我個性好謹慎，冇好大信心嘅事係唔會做 。 例如我老公想去行毅行者，我會覺得做唔到而說服佢唔好去，例如冇時間練，體能唔夠好之類。
有次老公同我講，我成日discourage佢好唔開心, 我至驚醒，係喎，原來我係咁個喎。 自此之後，佢自己做決定，冇搞到我，我就唔出聲啦。 反正衰咗唔係咩大件事。
8個讚
我都係謹慎人，好多事我會諗所有負面嘢先，未到放負，但會好多嘢擔心。
我老公相反，所有事都係正面先。
其實唔係潑冷水，好多時想法剩係想「穩定」，所以變相好多嘢都唔想做。
我好努力去改善，而其中一樣就係老公會一直支持我，用唔同角度同我講件事
慢慢我就正面行先，都會試，同時都會擔心 
呢樣真係得自己先改變到自己，你可以同老公傾吓呢方面
我老公都類似，但我係行動派，通常自己做咗先唔會等佢
他麻煩個，個人好唔積極
佢唔開心到頂唔順就會自己搵工GA啦
未搵即係仲頂到
我都心很累 我有少少唔同 我做得好佢就話係人都做到啦 到要佢做時 佢做到唔好 我叫佢學/分享經驗 佢就話做唔到 我比壓力佢 我零願保持心情暢快 可以都唔駛要佢幫 sorry 放負
正正係咁樣，仲要好多憂慮，過於憂慮個隻，好大原因係嚟自原生家庭，可能以前太過擔心錢。仲有成日小小野就話會點樣整親、點樣受傷。
1個讚
我嘗試轉過彎嚟講，我唔知佢參透幾多。
我只係想大家開開心心生活，唔好太過杞人憂天。
可能真係呢個原因，因為我原生家庭就係咁情況，而我又真係偏向思想負面。
我自己都想改，唔想傳比小朋友，但係有時又會不自覺地向壞處想/表現到出嚟。 要不斷提自己先得。
有時我老公唔同意我講既，我就會同佢講人哋越話我做唔到，我就越要prove到俾人睇我做到，所以你都可以試吓唔好俾老公負能量影響到，你覺得想做係做到既，就照做，用事實證明搭到火車，會返到去reheat食自己想食既。
不過會唔會係老公都驚夜你會危險？可能佢表達得唔好。
我老公有時都比較悲觀，我會用我超級正能量感化佢。
我根本唔會比佢有機會不停駁我，我一定忍唔到佢，自己做，睬佢
我屋企都有一位, 我好明樓主點解覺得攰, 我已經好耐無問佢意見, 想做就做, 好似近排屋企有D小型裝修, 我問都唔問就叫師傅上嚟度位… 我都費事問, 費事令自己谷氣…
1個讚