在英航買左全家人機票。
因想儲Avios, 就開左英航executive club 戶口，但見Avios 欄還是O分。
咁下一步要做什麼才見到有Avios 的分呢？要完成旅程才有分見到？
請指教。
應該飛完先有里數顯示，因為你而家仍然可以取消張機票㗎嘛
1個讚
應該要飛咗先有。如果有HSBC premier credit card, 都可以換Avios。
1個讚
你香港有冇AE credit card？網上有人教如果香港AE有半年或以上，還款記錄良好，去到英國有收入之後，可以試吓申請英國AE嗰張英航credit card，簽帳都可以儲Avois，你可以上YouTube 搵吓教學片
1個讚
謝謝回覆。
原來是飛左才見到Avois 分數。
此等儲遊戲也不易玩，又要學一套規則。
其實真是換到機票有著數，還是不覺間增加無謂消費(碌多左card)，仲洗多左錢？
英國好多地方唔收現金，只出credit card or debit card, 咁你係唔係都會用嘅錢，例如去超市，咪用credit card 儲囉，唔會用多咗錢喎～
我就係咁樣
又唔會為儲里數而用多咗錢嘅 
自己會衡量㗎嘛 慢慢儲到里數 夠數換禮物咪當bonus囉
只會刻意用死一張咭 唔會刻意用多啲錢
除非你係商務客經常工幹，或者每一兩個月出門，或者你經常碌卡碌到好大（但啱啱到英國，credit limit 一定唔荒多，可以用雞碎咁多來形容，冇機會俾你碌到破產），否則好難儲飛行哩數到有「成就」！講真，我唔會為儲分而用死一間航空公司，今次移民係搭英航直飛過嚟，但下次往來香港時，見到經另一間航空公司轉機抵好多，特別你仲搭唔搭英航？去歐洲旅行只係一兩個鐘，大把廉航啦。
你講得對，儲分就當玩下算。
見過有些人變不理情消費，就得不償失。
如果響香港搭開CX可能易D，疫情之前，好多寄宿留學生都一年飛三次轉香港，因為長假期中學宿舍唔開，住home stay家長又唔放心，而且仲貴過一套學生票，咁搭長途機係易儲分D。
儲分、大減價、咩多買多送嗰D的確分分鐘因小失大，但儲分更大問題係你要入咗會先，唔覺唔覺就剔咗同意將自己個人資料賣俾人