大家好，有關揾工既問題想請教大家!
我做開hr admin 2至3年左右，上一份工公司要求我做埋reception 職位，身兼兩職壓力大加上做落有啲唔鐘意呢個工種所以9月辭職。之後想試下轉行一開頭揾工冇揾到本行，但揾咗兩個月發現冇咩反應唯有退而求其次揾返本行。但唔知點解揾極搵唔到。。。
之前畢業後冇咩興趣，試做下hr admin工。上份工工作比例admin 6成，hr 4成，有幫手做下appraisal前期工作，日常paperwork 都有幫手，都有幫手請下初級職位咁。admin 方面係office admin 野為主。最近揾工想揾少啲admin 既hr 工作，因為其實office admin 野長遠發展唔太。但好多時見工比人話我經驗唔夠，做admin 野多，真正做hr 野好少，用勞工法經驗唔夠。自己的確之前份工少用勞工法既野，多admin operation 既野，所以想揾返份少admin 野工行落去。有去勞工處拎本書仔去睇，但有好多位睇唔明，見工又比人問到口啞啞，所以下月報名去工聯會讀。但讀都需要時間，唔係一時三刻就可以識。
呢幾個月揾極揾唔到工個人自信跌到谷底，成日失眠。雖然有時候有工去見但大多數都係冇下文，已經lost 到一個點，一打開個揾工網都好迷茫，好唔知自己想點。。。呢家新年過後應該開返多啲工，我會繼續揾工，但想問下大家我繼續揾hr 工定退而求其次做反office admin定其他行業工都揾下？
知道自己好唔成熟，好唔知自己想點，最近去咗見下事業輔導揾下方向，真心唔想一直係咁落去。。。。
5好灰心，農曆新年前，一向都難揾工，好多人會等埋雙糧同花紅。
2~3月會多返D工，e+睇多D資料，裝備下自己先
6個讚
我屋企人都係同你咁，搵左三四個月，見完都冇下文，大家都加油啦
1個讚
想唔想繼續做admin野先？
其實好多公司admin都要backup reception
建議係騎牛搵馬邊進修hr
2個讚
都明你會覺得灰心嘅，或者趁機會審視下自己個portfolio，過咗個新年會多啲job open 嘅~
1個讚
其實本身興趣真係唔大，但依加暫時都未揾到，都會揾返黎試下先。睇下之後點。謝謝你
有揾sale admin 同cs 同大專admin 試下，但未有機會，所以多admin 既hr 工都會試下，謝謝你
經濟唔好, 好多公司離開左香港, 需要admin/hr support 較以前少, 而且以家好多野好似多左靠員工自助, 例如之前係集合員工的medical claim再由hr clerk寄去保險公司, 而家佢地app已經可以自己claim錢又可以保障佢地私隠. 宜家個社會唔同左.
建議唔好confine自己, 即使唔係hr 專科都做住先, 有時學多啲野仲好.
2個讚
明解，原來係咁，因為本身冧住係跟下sales 單，岀下report 咁
1個讚
謝謝你今日又去見咗一份hr admin，但都係等消息2nd。已經揾咗兩個月專係呢行，打算今星期開始同步send下其他，有得in 又去in 下好多野冇得控制，睇下個天想我去邊