今年應該係最後一年跟奶奶和老公個邊開年飯，往年是大家一起在初二晚上食，但今年初三晚我地會搭機去英國探路 ， 所以我想改為初二中午 ，因為 好多野收拾帶去， 同埋我唔想搞到咁夜。大姑奶老公係圍村人，好著重開年飯，佢地係中午食，所以佢話佢只可以晚上跟我們和奶奶食開年飯，唔肯遷就。我真係唔想晚上食開年飯，大家點睇？
冇計，人地習慣係咁又冇理由為咗你而改。
照樣初二晚食，最多食到咁上下你話要早啲走？
12個讚
咁事實係無理由要大姑奶成個男家就你一個喎
你去探路，唔係移民，執的野有限，早啲執定先
初二晚早啲開飯早啲散band
12個讚
初一食得唔得
初三夜晚先上機，初二晚食仲有時間喎，而且只係探路，要準備帶去嘅嘢唔會好多，其他嘢又可以早啲準備，睇唔到初二夜晚食有咩問題
10個讚
唔想咪唔好食，做咩要人就你
咁點解你唔改遲啲先上機？
1個讚
都最後一年啦，何況初二晚食餐飯，唔覺得影響到你初三晚走，要執嘅咪早兩日執囉。
8個讚
你都識講啦…
- 今年係最後一年
- 以前都係初二晚食
而家因為自己「唔想」要改人地時間？你老公點睇？
1個讚
執唔切我會直情唔出席，唔係我串，係真係執唔切嘢，我自己屋企行先，唔會遷就
但我就會盡量執早啲令自己出席到，亦會盡早通知
5個讚
係囉我都覺得呢個方法最好
趁仲有幾日，早少少執好行李就得
最多唔食太夜，早少少走
最後一年，唔好搞到唔高興咁過
3個讚
不能夠提前收拾行李，因為唔可以比兩個小朋友知去旅行直到初三早上，之前試過小朋友預先知道，點知佢興奮到唔瞓，出發當天早上突然嘔發燒要睇醫生，要改行程。自此全部旅行出發當天早上才告訴小朋友，試過去澳洲，我前一晚收拾行李至零晨3點。另外，大姑奶成日遲到，次次都係別人等佢，初二我唔想等佢一家，打亂我計劃。
明白你既難處, 但係而家改唔到就無辦法除非你唔去如果唔
係都無辦法, 咁你呢幾晚開始等小朋友瞓左慢慢執, 你去探路
又唔係搬走即係當去旅行咁執衫褲, 藥, 護膚品之類…
6個讚
試吓規劃定要帶的咩，夜晚小朋友瞓咗後執定收埋唔放入喼住
到真正執行李時一次過放入喼就快靚正
6個讚
英國機一般8-10pm飛，6pm去到機場，初三8-10am起身執都可以有6個鐘執野喎。
要初三朝早先入得喼啫，d衫執埋一邊先，到入喼時唔洗左搵右搵，好快就執好啦。
toiletries bag黎黎去去都係果d野，執左擺定o係廁所櫃d細路唔會無啦啦巢黎睇呱?
利申，我同老公去旅行只會早一晚執喼，要預備既野唔係執定就已經諗定，連早幾日著邊d衫有咩衫要洗完帶去都諗定。
3個讚
世界唔會為咗一個人而轉，又唔係唔會唔見，唔好要人就，可以選擇唔去，下次有機會返嚟再食囉，
1個讚
小朋友都大個左, 會唔會情況好少少?可能你少少咁執住先囉, 放定係細袋收衣櫃, 到當日先拎個喼出來放哂入去?
年初二晚早少少到,講明自己幾點走(最好講早半個至一個鐘, 留返啲時間走棧),
開唔切飯都夠鐘就走, 頂多食唔飽返屋企再食。開年都係志在見下人姐, 又唔係真係為醫肚。
5個讚
咁咪唔好食囉，唔洗就黎就去
係我就唔食
1個讚
咁你奶奶同老公點睇？同埋當日食飯既人點睇？
option 1) 大家都唔想遷就就唯有奶奶中午同你一家食，夜晚同大姑奶一家食。咁樣你奶奶接唔接受？
option 2) 多數服從少數，當日食飯既人睇想食中午定夜晚
option 3) 好似其他人講初二早啲食完走，講明要幾點走
不過我覺得你本身都唔鐘意佢哋/唔想食飯先會有呢個問題，其實係好小事，可以就一就既，如果佢哋真係你好好朋友，你會點決定？
1個讚
雖然樓上好多朋友都講樓主應該自己走位
照夜晚食但提早走人
但明白樓主大姑奶經常遲到
的確令趕時間番屋企執行李既樓主唔gur
所以我覺得不如問埋老公意見
如果老公都同意就直情唔好去
如果老公自己都想食埋呢餐開年飯
請佢自行同經常性遲到既人協調下
1個讚