我唔係律師，但喺唔同律師樓同政府做咗 10+ 年 paralegal，跟過唔少離婚奇難雜症。如果程序上有疑難情緒上有嘢困擾，可試試幫大家拆。
講明：唔會介紹律師。不做媒人三代好。
我冇疑難。未結婚。但有小朋友，呢6個月以嚟，差唔多日日都諗緊要唔要分開……
係社會氣氛有關？還是家庭負擔分工等協調不了？
社會氣氛其一，仲有育兒上嘅唔配合﹑冇咗愛嘅感覺, bla bla bla。好多……
小朋友仲好細個(16個月)，現家日日都成個walking dead咁對住另一伴。
諗到最壞，就要準備以單親家庭的形式重新出發，除非對方都錫小朋友，肯承擔返應有的責任。
利申，細囝半歲，成日被老婆怨幫唔到手。
生完BB 嘅荷爾蒙會令媽媽生理上抗拒另一半同異性架，會幾個月至一年以上。再加上湊初生嘅壓力、唔夠瞓、種種問題…好易覺得老公似"同事"甚至覺得乞人憎。
但要俾d 時間自己同埋你地兩公婆，過多幾個月你身體復原好D，你地又搵到湊仔嘅新默契，佢就會順眼好多架喇。
我曾經聽過好多媽媽產後講佢地老公，到bb 歲幾嗰時，多數都會對老公嘅評價好返好多。（對家人、老爺奶奶嘅評價都係）
你地要加油！ 夫妻關係嘅考驗係生仔嘅必經之路，你地要記住當初一齊想要BB、有BB 嘅喜悅，慢慢搵返生活同埋關係嘅新平衡！呢段時間要盡力避免做傷害對方嘅事同埋唔好講傷人嘅話，加油！
7個讚
老婆仲會怨係好事。我連怨都唔怨，另一伴只係一個同屋主。 
其實佢係一個好爸爸，錫小朋友，而且都好照顧小朋友。只係，似乎唔係我要嘅好老公。
可能係我問題，係我唔知足……
btw. 代朋友問。
朋友先生由上年初開始出面有第二個，直到上年年尾明目張膽咁暗示同明示要揀個另一個女人，但又似乎唔會主動提出離婚。
朋友現家成2個月冇見過佢先生。朋友想知佢有咩可以做。係咪咁樣一直落去，朋友先生可以單方面申請離婚?
而朋友另一個在意點就係資產嘅分配。
呢位谷友好有愛~ 睇完你comment就算我未係呢D角色都得著好多~
你反省下都好嘅，呢個世界唔會有一個完美、所有嘢都好、仲要合乎你心目中好嘅標準嘅人，着眼多啲佢嘅付出同埋優點。夫妻關係係兩個人嘅問題，唔會淨係得一個人有錯或者有責任，所以同時都要兩個一齊努力。
你有冇同佢傾過而家你哋嘅關係？可能佢都有同感，咁就互相支持；如果佢冇同感，你地都可以傾吓點樣可以令到大家關係再開心啲、溫暖啲。傾偈之前，我希望你可以諗吓，有啲乜嘢佢做咗二你係好appreciate嘅？對方有啲乜嘢實質野可以做係可以令你覺得好啲，或者你會覺得被愛啲？咁到時你哋傾嘅時候，就着重表達呢兩個問題嘅嘢：表達你嘅appreciation，同埋希望有嘅轉變。千祈唔好淨係同佢講好唔開心但又唔知點解會咁之類嘅說話，咁樣一來容易令對方覺得自己嘅努力白費/被無視，二來喊完一輪都冇方向俾大家努力
我當時啱啱生完，都諗到好多嘢其實客觀上可以appreciate佢，而我如果諗唔到有啲乜嘢實際野係佢可以做而令我好過啲，咁10居奇九我都可以歸咎於荷爾蒙、壓力同埋睡眠不足（呢d 你都可以同佢分享下，因為佢未必知，可能淨係覺得老婆對我冷淡左好多）。希望幫到你
4個讚
wow… …好pro… …
我都算係個理性而且諗得多嘅人(不過可能正正係諗多咗… … 
)但睇完你意見後，竟然訝異自己冇咁諗過。
黃絲質素果然係唔同啲。俾著po上BK，十居其九會歸咎於對方身上。
多謝你。
1個讚
哈哈多謝，你都係一個溫柔體貼嘅人先至會對我嘅建議聽得入耳 
1個讚
明白，通常離婚官司程序，我地會睇成一開三；解除婚姻；仔女；錢銀。
冇提仔女，當冇先。
解除婚姻唔會話唔得，係睇成個官司進行到尾拎一張「絕對離婚令」(Decree Absolute) 為止。
所以關鍵，係錢。錢又可以細分兩部份：經濟洗費（即所謂贍養費）；財產（包括物業、投資、退休福利）。前者考慮晒兩人實際經濟能力同需要。至於後者，一般假設起點係一人一半，除非有其他情況 justify 某一方分大舊啲（例如婚姻年期短；經濟獨立之類）。
留意，除非特殊情況，經濟分配通常唔考慮婚姻失敗責任誰屬（即無所謂「婚外情要畀大舊啲贍養費」）。
建議你朋友可以心中計一計自己個「價」，諗好左就同對方 deal。有眉目就可以搵律師。最好盡量傾好左協議框架先去搵律師，否則會用多好多時間金錢。
1個讚
多謝你呢句說話，好啱，我都正在困境中，知道要咁做，但有時有人提醒下先會好d
多謝說明。
局外人嘅我明晒。但局內人嘅佢應該唔明。
佢一定覺得自己個「價」好大好高，甚至會覺得所有嘢都係屬於佢。
咁樣情況下，喺兩方都達成唔到協議下，場官司係咪會打好耐?
冷酷啲講句，咁就好睇佢有幾著緊想快啲離婚定想分大舊啲。
原則上，分居夠一年，雙方都可以採主動展開法律程序，但如果有一方不同意離婚，分居期就要夠連續兩年才可。
另一種現在就提出離婚程序的理由，是對方「行為不合理」。婚外情可以是其中一類。
哦~~ 明晒~~~