好耐之前嘅舊公司舊年裁員，裁咗一班人，有幾個係資深同事。最近聽返個行家講，原來其中一兩個資深到依家走咗大半年，都仲周圍唱衰間公司，講到自己係人才，留低嘅人都冇料。
但其實… 呢幾年因生意唔好而裁員好普遍，公司都要求生架嘛，最重要係我知公司補足之餘，對資深同事仲額外補多份。
唱衰舊東家其實好蠢，行內仲點敢請佢哋；而周圍話留低嘅同事廢，我覺得真係好冇品。希望佢哋早日move on, 放過人放過自己。
2個讚
總有呢啲人，可能佢地真的冇諗過會咁樣走呢
1個讚
我打工會抱持有機會被抄/被裁嘅覺悟，最緊要補得足。
2個讚
有啲上司話人做乜辭工都怨念
2個讚
呢種性格嘅人就算人生有幾順境都會怨，錯嘅永遠係人地
自己suffer自己，喺我眼中太傻
3個讚
做得太耐，已經覺得係一體咁
1個讚
我信公司做每個都係商業決定，所以唔洗同佢講感情
2個讚
我同事已經係我公司做左五六年，仲唱緊佢上一間炒佢既公司，話人高層廢。
坦白講，呢位同事真係好廢，學歷不足，人又蠢。開會傾好晒，佢突然會彈出奇怪意見，完全唔明人地傾乜，又要慢慢解比佢聽。
佢又無知識，講極都唔明，唔明又發脾氣，連一封似樣既email 都寫唔出，做唔掂既嘢要其他人頂。
除左人工平，.我諗唔到老闆點解會請佢。我都好希望快少少炒左佢等大家舒服啲。
5個讚
男女分手咁，永遠都係人哋唔識珍惜
1個讚
識人好記仇(或記自己幫過吓人)，廿幾年前嘅嘢而家仲記住。 仲不時攞出嚟講，對方已經更進一步了。
1個讚
做衰曬自己個朵
1個讚
lay off多幾次先明 
1個讚
有啲人一世都唔明，永遠覺得自己懷才不遇
1個讚
我都試過做裁人嘅角色，其實… 上面好多時係睇數字嚟裁，未必好關才能事，除非果個人出色到負責裁員決定嘅高層都識。
至於懷才不遇，好多人都接受唔到自己係公司眼中嘅平凡人。其實呢個世上冇幾多個Tim Cook
所以炒我無所謂，最緊要補足。
好心啦，打工其實都係一買一賣，公司買你時間同service, 唔好講到好似公司欠左佢咁
1個讚
該主題在最後一個回覆創建後180天后自動關閉。不再允許新的回覆。