大家睇左未
6個讚
1個讚
咁啱我剛剛睇咗. 好失望呀… 個配樂唔好聽. 單調得嚟似係只用電腦配樂做出嚟… 如果想簡簡單單不如淨用 acoustic guitar 或者鋼琴啦… 個 key 又要開得太低, 到咗啲高音位冇晒驚喜. 之後再睇中島美嘉同 Chemistry @ THE FIRST TAKE, 感覺到佢地當 performance 咁唱, 但陳柏宇似係為交份一定合格嘅功課嘅心態去唱.
6個讚
今次係重新編曲, Jason 唱得有水準
我第一次聽都有一種「咦，點要改編改到咁呢」嘅感覺，但陳伯出呢隻歌時仲好後生，而家唱到成年後比較悲愴嘅感覺出嚟，其實都唔錯，希望佢可以衝出香港，借呢個機會令多啲人認識佢
5個讚
首先，唔好鬧我。
首歌，真心唔好聽，其實聽左30秒左右已經想熄，歌詞，寫得好普通，原來10幾年前嘅廣東歌就咁，難怪我一路都冇興趣留意，之後不死心搵返原版，可能個新編曲唔岩心水啫，點知一樣，成隻歌真係捱到尾，個旋律真係好普通，唔入腦，其實香港音樂人知唔知道旋律好重要，但好似冇人care，淨係識個假音唱到幾高，不過我諗佢地應該開始知，因為呢幾年d歌旋律係好聽左好好好多，所以我都開始聽返廣東歌。
唔係唔支持佢，但要俾d真係好聽嘅歌出來，ok嗎
4個讚
其實首歌原來版本真假音換得好靚，今次真係失色。
Btw，原來Edward Chan編，其實我覺得佢編曲同監製都係大路同穩陣，但唔會有驚喜
原key好聽好多，同埋呢個編曲我自己就麻麻，連登嗰邊早兩日已經狂鬧
佢好似好緊張.
Anyway, 都支持佢, 因為佢把聲都真係好聽
1個讚
佢就係十幾年前出道，當時廣東歌都幾頹，佢有料但就唔點紅
1個讚
改編左反而平淡左， 唱時情感突顯吾到， 所以好平， 第二段又未有位上高音。
但陳係有料歌手， 只係今次未發揮佢既實力
2個讚
當年呢首歌真係好hit，佢早幾年聲帶傷過所以改咗唱法，感覺好唔同，不過都係好聽嘅，期待佢第二首歌
2個讚
估唔到係佢編，我仲以為係The First Take嗰邊重新編曲，仲有韋禮安隻《如果可以》都係原先版本比較吸引
頭段真係唱得麻麻地… 後面就好番啲, 但你地睇番其實他歌手
日本就唔使講, 台灣韋禮安我未聽過佢唱歌, 但一開口就覺得好
好聽, 仲係 The First Take 出左兩首歌一首英文歌一首國語歌…
Sorry 陳柏宇真係比下去… 只因為佢係 Sony Music 既人所以
先可以上到 The First Take.
一直咁難聽，打冷震
PS:針對唱歌
原唱好好聽㗎，當年都算大熱
1個讚
當年佢出道都幾鍾意佢架, 靚仔得嚟仲要唱得, 形象又好. 以前都係最鍾意佢隻車匙多過你瞞我瞞
1個讚
當年呢首歌好hit 架，我覺得好好聽，隻MV 好虐心。重新編曲呢首，都唔係差，只係有期望所以失望。
1個讚
聽咗，我又唔覺得好差，我覺得 ok。
2個讚
+1
俾人講到好差，所以無失望。
1個讚