上年同前夫去家事法庭搞離婚，最近收到信，亦都收到暫准令，但同時法官都要求雙方要上庭傾撫養權同生活費問題。
嗰時我哋寫生活費大家一人一半，畀到阿仔18 歲，唔知係唔係個官覺得大家平均分擔費用唔合理，所以要上庭？唔知有冇人試過？
上庭前仲要寫詳細嘅收入畀法庭，我哋都無物業，我人工高過佢，但仔仔我照顧，會唔會最後我係要畀返贍養費佢㗎？
我最近都收到信，又係要上庭傾撫養權同生活費，請問可唔可以問一問最後個官係傾什麼？
我聽人講係唔使照顧小朋友果個比生活費多啲，都合埋嘅！但都要睇雙方收入同開支、有無物業等等資料掛…
唔該晒！可能份agreement生活費到冇寫一個實數
你都係自己去家事法庭申請離婚? 其實無咩嘢問, 只係問返你對方畀咁多錢你, 係唔係已經足夠, 同埋會定返每個月邊一日要畀錢咁樣, 我諗都係循例上去, 兩個親口確實一下畀個官聽, 我哋入咗去唔駛10 分鐘就搞掂. 見完法官, 即時可以去返COUNTER 申請埋絕對令, 到時會寄返去你屋企, 完~
1個讚
你係唔係單方面申請離婚？之後係唔係一齊去一次法庭就ok? 大約等幾耐先申請到絕對離婚令？
我係雙方一齊申請, 一齊見法官, 絕對離婚令就係見完法官當日去COUNTER 申請埋
謝分享，係唔係一年左右就正式離婚？
係呀, 差唔多呢啲時內…最重要寫清楚內容.
明白，謝。