X2 
家人間點計邊個付出多？
例如比家用，多數交比阿媽。唔通又要分一半比咁親手比一份阿爸一份阿媽？
阿爸唔買餸嘅話，可唔可以比少 d? 但會唔會唔公平？
1個讚
我唔覺得係禁忌話題所以我覺得講無問題，係呢個專業人士例子我覺得唔公平所以講，我唔會日日係度不停講公唔公平。
呢啲有眼睇，唔係一個清單。
你頭先講緊專業人士case, 然後你話你都會咁做。你宜家list個啲係日常小事。
你而家講緊家庭內嘅公平呀嘛
仔女要求父母要公平對自己，咁自己都要公平都父母。做唔做到先？
咁當然要公平啦，如果我爸呷醋我對啊媽好啲，我都會反省囉。當然都要睇兩邊對我係咪一樣好。
我覺得生兄弟姊妹，公平對佢哋好基本咋喎，唔係要所有野連蘋果都要切半，唔可以偏差個隻，但唔可以差別待遇囉。
我兩個小朋友，如果俾我分，我會分三份，兩份佢地。然後一份自己洗，剩下嘅俾照顧我多啲個位。
1個讚
咁樣都公道。
其實我都另外一個回覆都有講：公平與否, 所有人嘅定義都唔同。 你覺得公平，其他人覺得唔公平；其他人覺得公平，你又會覺得唔公平。對呢樣嘢好難有準則，尤其係家事上，有涉及感情。
就算法例上寫到清清楚楚，但即使係咁，都有啲人覺得唔公平，所以先有咁多爭產官司，打完又打。
所以世上涉及親情，感情，邊有真正嘅公平。
4個讚
唔係挑戰你，等到果日，可能又唔同諗法
不如話定我知，會有咩可能嘅諗法？
Btw 我一定唔會分俾能力較低個位，除非身體有咩事。我6299就係成日幫弱個方（由其中一個讀唔到U開始）結果兩個仔一齊鬥廢。
所以利申返個人選擇，但我逆地而處左個專業人士case。覺得當事人有啲慘。
姐係好似黃子華咁講，你有兩個仔，今日有一個攞諾貝爾獎，一個今日要去警署搵人保釋，啊媽一定去警署保釋差唔多。
呢個例子太經典。廿幾年前王太后過身，專登分大份啲比Harry,因為擔心佢唔會繼位唔夠錢洗。中外都有呢啲父母/祖父母
1個讚
老豆走左，保險直接開3張票，50%阿媽，25%我，25%哥哥。
另外有d cash，阿哥同阿媽話講不如要黎買3隻rolex，一對哥嫂，一隻係我，話留個紀念，好過分左錢就無左。如果計算價值就唔公平，即係我哥兩公婆多8萬。
我本身係反對既，因為我又唔戴錶又唔識錶，阿媽覺得要個紀念都好就買左4隻，佢自己都揀左一隻。
老豆走左5年後，我結婚阿媽斟茶時送左隻錶俾我老公，名義上係我老豆送既禮物。
有時長輩心中都有把尺，當下唔直接講會補返一隻俾我，但佢會記住我無出過聲。
一向我係工具人，依家我計畫緊移民，老公問我怕唔怕我地走左阿哥會霸左我應得既遺產(因為阿嫂好麻煩)，唔好理有幾多先，如果一d本身唔屬於我既財物可以買到阿哥阿嫂照顧阿媽既話，我個個月都俾家用佢都可以。
5個讚
咁你係唔係家用分一半親手比一份阿爸一份阿媽？
阿爸唔買餸嘅話，會唔會比少 d？
1個讚
所以我同意樓上iPhone架，可量化嘅盡量平分。希望仔女對相方少一條刺也好。量化唔到嘅野，付出120分亦有人只感受到50分，呢啲就睇各人嘅修行感受啦。
3個讚
見過好多例子。
例一：老人家身邊冇人可依賴，得個工人，百年之後，大部份現金留俾個工人，得不動產留俾親人。
例二：老人家話要公平對所有仔女，但見親冇乜錢果個，就會塞幾仟俾佢。
例三：臨時改遺囑，因為覺得其中一個不尊重自己，不如分少D俾佢。
例四：用孫來作分家產嘅理由，每個孫一份，如果冇生，冇得分。
1個讚
所以大劉而家好驚 
1個讚
我俾家用係入佢哋共同戶口，佢哋本身自己就夠洗，唔洗用我既錢。
我家人都係咁，會照顧廢柴多啲因為覺得佢廢得嚟又生咗小朋友會害咗小朋友，所以不停俾錢佢洗，結果越嚟越廢，父母到老咗就係會咁，唔會捨得見死不救自己親生，雖然係唔應該但阻止唔到
3個讚