我成日都講 
點解成日要搵中國做例子呢？點解一定要執著用佢來做討論？
中國人係咁樣教育下一代。咁個討論價值響邊？
1個讚
我冇話佢地全部係咁樣教育下一代，佢地都係將自身經驗pass 落下一代。細路聽得多就知自己條路可以點行
完全主觀嘅人係冇討論空間
我真係唔知點解唔可以講主觀感受，我就係主觀覺得唔好偏心、識教先好生，咁都唔講得？一定要話生兩個正先得？
你而家講嘅，都唔係呢到啲人講嘅意思
講主觀感受ok, 呢到好多人都講
但唔去理解人講乜，就討論甚至溝通唔到
因為只有中國先有一孩政策從而出現獨生子女呢個現象，呢個情況係外國完全冇
有時同家教無關，而係係果個環境就會造成個種性格，我自己親身體會過，又做過獨生後來有兄弟，再加上我2個仔女年紀近觀察佢地嘅相處，呢個只係我嘅睇法
我miss左d乜？有冇人理解我講乜？
唔好偏心，我有錯？
唔識教唔好生，我有錯？
生一個係我選擇，我有錯？
生兩個有機會有一個拖累另一個，唔講得？
哈哈 我明你講咩，我都同意你講既，不過我最後都懶得解釋。
我既總結: 想做既野總有一萬個理由去做，唔想做既只有一個理由就可以，所以同枱食飯各自修行啦
1個讚
全部講得。
人地亦都可以講
呢點唔同意，識好多屋企最細嘅，性格都係唔理人，咩都要人就晒佢地，對屋企又無責任感，咩都只意晒阿哥家姐
我覺得唔關事
做大又有大嘅問題
拉仔又話拉心肝
2個讚
That’s why我唔知搵佢來分析獨生子性格個討論點響邊。咁獨特嘅政策好影響人性發展，仲要攞佢來界定獨生子女性格特點？我唔明白。
我擔心我仔唔識得同人分享，所以佢細個時，我成日邀請佢嘅同學仔，鄰居小朋友來我屋企一齊玩，食埋晏晝，下午茶先返屋企。就係想佢同同齡人一齊分享玩具，食物。
之後嘅童軍訓練，活動都幫咗佢唔少。但我依然覺得佢唔太care 其他人嘅需要。可能係天生性格，亦可能因為獨生，真係唔知。
2個讚
呢樣係因為你識個啲細嘅多屋企人鍚
所以做細嘅相對識睇人眉頭眼額
Exactly 我細個同你個仔好似，唔識分享唔識care人地冇同理心，其實自己唔覺，屋企有教，但現實中我根本唔需要咁做，大個左先發現好大問題
1個讚
識睇人眉頭眼額好好好重要，有兄弟姐妹嘅人就算天生唔識，環境都迫到佢識，同埋做細嘅好識點樣去走盞獲得最大利益
我有時覺得大個啲好文窒，乜都要人聽佢講，好獨裁。可能我經驗係年齡差得遠。
細嘅好聽係彈性大，難聽係見風使里
睇邊個係話事人或者鍚佢多啲肯買多啲嘢比佢就跟邊個。有時重會識控制人
簡單來講即係古惑，但係現代社會要生存係幾需要呢個特質，獨生子女同做大果個相對比較忠直
3個讚
咁我又覺得做大嘅，適合做 leader.
佢地好多時已經有自己諗法，不過大方個 d會表面迎合啲細嘅，同埋由佢地做。不過叫到又會下手咁