人哋強逼要做獨生子女唔可以作討論點，Lee個國家嘅人教仔女嘅方法好獨特，無謂用來做討論基礎，我定義佢哋係另一種文化，我唔理解，所以不予置評。
獨生當然有佢缺點，我個人睇法：獨生缺點vs其中一個嗜賭/吸毒/搵個好差嘅另一半返來搞亂全家關係/兄弟姊妹間計較錢銀/互相比較自己付出幾多/爭家產/拖累其他兄弟姊妹一世⋯我會兩害取其輕，所以就生一個。
其他人生幾多唔係好關我事，知道自己要乜，唔會比人講句咩性格有缺陷而生多個，大把人因為有兄弟姊妹而有童年陰影、心理問題，成年之後都放唔低要睇心情輔導。唔識教、會偏心就唔好生咁多，另一個會好慘。
你即係「暗示」你父母比兄弟姊妹，都唔會比你？
我都覺得事主打頹工同屋企人同住唔緊要
但老套講句要有理財規劃
總有一日父母有事需要照顧
咁到時真係手停口停
佢覺得做看更係可以出住糧睇佢心愛既數學書嘛
可能佢覺得果八粒鐘都唔算番工? 
唔係啊，已經講左平分，同要俾既唔一定要等到百年歸老，我父母係無偏心既，我覺得佢地做得好好，呢個只係假設。
你呢個情況一樣可以發生係獨生仔女身上，佢冇得同兄弟姊妹比較，一樣會同堂兄弟姊妹/表兄弟姊妹/同學比較。
你可以講你嘅資源全部集中係一個人身上面 確保佢學好， 成為一個唔需要父母擔心嘅人， 但有可能產生另外一個問題，佢可能覺得你成日都關注佢，令到佢壓力好大，精神可能有問題，繼而發生好多問題。
生幾多個唔係問題， 最緊要父母係顧家+錫仔女。
我覺得家庭教育最緊要。
我睇到lee度都覺得壓力好大
其實你係想說服我生多d？呀女話個同學想比埋個妹佢，呀女say no
其實呢到同另外一個生幾多個post都無人叫人生幾多個。說到底，who cares
只係每個人都無聊講下自己諗法/經驗而已
我經歷過，我明，我直頭覺得獨生呢個身份令我成為一個怪胎。
最緊要唔好偏心，一個錫多d、一個冇咁錫就係製造傷害嘅開始。如果知道父母偏心其他兄弟姊妹，個傷口永遠都響到。
咁冇想叫你生多啲
自己應自己情況決定啦。
我自己好恨女，可惜生咗仔。
我自己得個阿哥。見到啲同學有家姐妹好羨慕， 成都希望自己有個妹或者細佬， 好想做家姐。 但係我中學同學同我講佢， 屋企四朵金花， 淨係朝早返學爭廁所嗌交嗌到癲， 聽完覺得自己好彩。
做父母其實可以花d時間睇下心理學嘅書籍，獨生同有兄弟姊妹嘅教法唔同，不過我諗冇咩人會在意Lee門科學，只知道要生生生，隨自己喜好、經驗去教。
如果唔係做得太過，偏唔偏心呢樣好主觀。
生仔唔可惜，都係一份好珍貴嘅禮物。呀女問我鍾意仔定女，我答佢，你出世係仔，我就鍾意仔，你出世係女，我就鍾意女，又會多謝佢來做我個女。
del
咁我仔一樣係我嘅瑰寶。一樣係我最愛嘅人
只不過自己鍾意女，可以一齊扮靚，同埋見到朋友D女比較嗲父母，所以恨生女。
我明白父母會覺得哥哥唔使幫，妹妹要幫，所以有此安排。如果我真係夠退休有餘，我都唔想同經濟環境較差的兄弟姊妹爭，傷和氣。佢case係兩個都努力，只係一個際遇較好特別多錢，唔係一個努力一個唔努力。如果兄弟姊妹中有人啃老，就唔應該偏幫佢，其實只會害咗佢。
任何一個地方嘅父母都想教好同為自己仔女做打算。重要有錢又獨生更加。你唔理解人，人地一樣唔理解你。
生幾多個完全係自己決定。
冇需用自己經驗做假設獲得別人認同
獨生有一點係肯定，就係父母資產可以坐定粒綠咁去等。好少中國人會捐晒自己嘅資產出去
我接觸過嘅內地人，特別做生意個啲，係成日係仔女面前提錢: 供你去美國讀書一年 60萬，屋企有屋留比你，做邊行揾到錢。。。
所以我唔讚成比子女知道自己有幾錢
我都係，細個一個人，到好大先有兄弟，如果我地年紀差唔多一齊成長，相信我嘅性格會比而家好，條人生路都會順好多，好多缺點係到大個先知，如果決定生，我覺得理想係2個，turn out我身邊大部分有小朋友嘅朋友都係2個，有d得1個果d嘅性格都幾有問題，自我中心唔輸得，其實佢家教冇問題，但獨生子女就係容易有性格問題
大陸更加因為獨生子女出現更多社會問題，呢個直頭可以另開topic來講
BBC news 網友投稿：被妖魔化的獨生子女
我會傾向係呢個結論》因此，更可靠的結論是：一個孩子心理是否健康，性格是否存在缺陷，跟父母是否教子有方關係很大，跟社會環境是否健康關係很大，而跟他或她有多少兄弟姐妹恐怕關係不是很大。
獨生就有社會問題/性格缺陷，我覺得太妄下判斷。