先講糖果盒，因為應該冇乜人上嚟拜年，所以冇買到花生、瓜子、糖乜乜、炸角仔嗰啲，
只係買咗自己鍾意/喜歡食嘅朱古力、果仁⋯⋯。
有一樣冇變就係長輩派「利是」，
我每年都負責入錢入利是封，年年如是。
1個讚
－定係！
跟我兒時回憶比較，農曆新年氣氛真係弱咗好多。
1個讚
我反而係覺得今年聖誕節無咩氣氛，好似無聽到啲商場播下聖誕歌咁。
新年我就見到好多賣利是封店，所以都覺得有氣氛。但我覺得90後一定唔會鐘意過新年，80後個代都仲默認緊買樓生仔呢一套，過年唔會被審判，宜家90後唔想結婚買樓生仔，新年簡直係judgement day.
我未結婚前都麻麻地想過新年。
5個讚
贊成取消
3個讚
除咗準備利是，今年乜都無搞
1個讚
由讀中學到而家都討厭過年。好在呢三年無咗團拜。
買啲花返嚟無人睇。
過年啲酒樓套餐成日都係冬菇、蠔油。
舞龍舞獅太吵耳
一見人，人哋個樣好似想你俾利是咁
怕怕。
6個讚
移民真係可以解決呢個問題，所有節都可以唔洗過，雖然無咗工人，但反而多咗好多時間做自己嘢。
3個讚
同啲親戚食飯真心煩
4個讚
但我又無話好唔鍾意啲親戚既，我都係鐘意熱鬧嘅人，有時一班人打下牌都開心。只係我當時都有set目標想幾時結婚但又唔想俾人問。
同我都有儀式感，我鐘意過節but in my way 
3個讚
我ok新年一大班人食一餐，但你話不停食就唔得了
3個讚
以前新年乜都唔開…節目就係拜年
2個讚
冇氣氛好多年，重要之前新年成日好熱。
呢兩年咁多後生同細去左外國，更加冇
1個讚
雖然移左民，但大家都會Keep住慶祝農曆新年，所以係好有氣氛。我哋會整賀年食品比親友，先問清楚人哋想唔想食，有冇食物敏感而決定整乜，再送到門口，唔洗太多，少少咁表達心意，大家都好appreciate。
屋企人已經準備好華服，其實有唔同嘅場合會著，新年就更加會著出來，好靚。
2個讚
初一見 4 大長老，初二中午去呀媽度食開年飯，我個新年活動就完。
1個讚
我儀式感好重，聖誕要放聖誕樹係屋企，要寫聖誕卡
一定要去影燈飾，正日要整西餐比個女食，要食聖誕蛋糕
新年仲大鑊，我要大掃除買花開全盒寫揮春，今年仲要整埋糕
出面無氣氛唔緊要我自己有就得
6個讚
我都係 我除夕，聖誕，萬聖節咩鬼都諗啲節目。唔係太無聊啦。
2個讚
我近十年只係買年花自己插同包派利是外, 食嘅嘢同平時一樣, 無買過過節食物…或者貼一兩張揮春囉…
1個讚
我反而約左班香港人互相拜年食開年飯，今年有整年糕，仲同媽咪facetime 一齊整。
買定華服過年
2個讚
真~
去親戚屋企團拜都係無聊
d 表弟妹一個二個自己坐埋一角玩手機
有家室既表哥表姐真係入黎派封利是坐唔夠幾個字就走
我就唔多鍾意坐埋一邊玩手機
覺得去人屋企都只係顧住玩手機好似唔多尊重
惟有睇下電視
但長輩自己寒暄我又插唔到咀
根本除左長輩招呼我地食賀年食物以外
都係零交流
1個讚
不嬲好憎過年，贊成取消
3個讚